明知所有既甜言蜜語都唔可信,但係次次都信,仲要一次比一次信得多

係唔係唔開心一定多過開心,係唔係開心過後一定會有唔開心

我唔想因為我既唔開心而令你唔開心,我剩係想見到你開心,

我成日以為我對住你可以付出幾多都得,但係原來我好自私,對於冇回報既野..我可能唔會付出好多,什至唔做

可能一直以黎,我都冇付出過,但係我要求既就越黎越多,我都唔知我想做咩...

我覺得我係自找煩惱,一定要搵d唔開心既野比自己先安落,,,,,,,,,,,

我想點呢....有冇人可以話比我知

同呀k chat完icq,我知佢有幾愛啦,菲菲講得好arm,真係好arm....

chat完之後我先知我一直都諗錯野,原本我真係好白痴,,,

我唔想係盼望同希望後...換來o既係...失望...

我剩係想靜下,我唔想再去而面對,我選擇左逃避

只有係咁,我先理可以唔再亂諗,,,比d時間我

我知你都唔開心緊,好似有d野煩住你,我唔知係我定係其他野,

我剩係知你唔話比我知,既然大家都唔開心,不如就係呢個時候比大家都靜下啦

我希望靜完之後大家都知道自己想點,,,,我會等你,你都要等我

今日睇個留言板,一路睇一路笑,但係又有小小傷感,可以話係"笑中有淚"

我身邊有好多錫我既人,我唔應該再犯同一個錯,個重錯我錯左好多次...唔可以再錯

以前真係開心過而家好多好多,我好想彼去以前,同菲菲一齊串leung leung 康

雖然以前有好兔白痴野,但係我地真係玩得好開心,係我最開心既時代

我諗菲菲都會咁諗,唔係應該係小杜杜都會喧咁諗

http://www.hkflash.com/gb/gb.asp?id=badbadboy

上面就係我話既留言板~

有開心,有唔開心,我想菲菲去一次

下就係屋企study,我就唔信我放咁多心機,都會再差過2分,我一窕唔可以放棄的 ~

我溫左成日冒SHM,溫到我就真係唔知時間過,話咁快就5:00

皇后打比我,叫我幫佢串人,佢話佢好慘,d同學仔蝦佢,但係我覺得有人會蝦到佢既咩,佢唔蝦人都好啦

不過佢講到好似,佢講我就信,鬼叫我係佢個fd咩,我add左串佢個女仔

串左佢一陣..跟住個女仔同我講唔係佢串皇后先係皇后串佢先...

我就叫左佢唔好再蝦皇后,我都唔想見到皇后cry到一隻豬咁,喊豬唔靚呀ma,唔好喊啦 ,笑啦...

我約左菲菲6:00係CWB,又係香腸,又係佢遲到...次次都係佢既...好黑人憎

不過今次算啦,因為你去左馬會攞錢比我先遲,HEHE,好開心...有好多錢..$$1300

我 一知道佢因為搵錢而遲到,我就一D都唔嬲,仲好開心,係度要再一次多謝佢,

係佢,我先有咁多錢,我覺得好似係佢比我咁,雖然D錢係佢WIN既...但係我覺得好似怪怪的

哈哈...唔理啦...有錢就開心.香腸你一定要買波呀,我要你WIN呀

今日最後都冇買到PORTER,因為D人冇9折咭囉....天日先買,我睇中左一個1千既...我覺得好似好抵咁.

唔得啦,我好想快D有一個PORTER呀,快D到天日就好啦...

原來物質可以令人好開心,當一個人唔開心既時候都好想買野,我 一唔開心我就會買書

一睇書我就咩唔開心都冇,唔知點解,好似好怪了 ~

菲菲去左買波,買左好q耐,成個鍾啦....唉......一入馬會我就預左被查身分證..

咁我咪自己比佢睇囉,跟住個看護就同我講"你好叻喎".....十個無奈我有1000個

不過好彩我你馬會拾到$50..哈哈,,,都係因為香腸見到我先有..

佢一見到就同我講,我就話我好驚,唔攞,佢就即刻攞左..好好人..我同佢就分左個50

菲菲同香腸好似好痴咁,佢地買左2000....而我就冇買....我怕輸,,,好怕

之後去左無印,我買左3本簿,有一本仲要2幾,我d fd話好唔抵,但係我箱得好靚...咁又買左

= =...我突然覺得自己好似好敗家咁...唔貴唔買,以前又係買左一支$50既pen

我冇用過...到而家都冇..仲唔知去左邊,今日去muji先記反我買過個支野..= =

我好似有好多杉買左都冇著...買個陣覺得好靚...但係返到屋企著過之後就覺得,.....

有時我試完先買......試個陣覺得好靚...但係返到屋企又覺得唔好,都唔知點解會咁

走個陣見到田田,佢好似靚左...佢染左hair..我左d唔認得佢

我見到佢有個porter.........唔得,我天日一定要有!!!!!!!!!!!!

日記對好多人黎講都係一d美好既回億,我曾經知道有一個人係個日記永遠都係寫一d開心既野,唔開心既野永遠都唔寫

而我呢,好似永遠都係寫唔開心既野多,定係根本冇咩野值得令我開心既野呢...定係我唔滿足

人大左,開心既要求就越黎越高,以前好小野都會好開心,而家唔會,而家我會覺得係應份

而家小小野就好唔開心,但係有小小開心既野又唔會好好好開心,算啦...我都係死性不改了

以前試過同人交換日記寫,我覺得好sweet,因為每一篇都係自己親手寫,而佢都係..

但係時間耐左...我冇寫落去,寫下又唔寫..而佢都係日日咁寫,到而家我都唔明白點解我會唔寫

今日睇反本野..我唔想再keep住,我諗我應該比反你,本野大部份都係你寫...雖然係好耐之前

如果你睇呢篇野就打比我啦,如果你冇睇咁我就比你個fd jackal 啦