今日朝早番到學校,

我就同班fd係課室出面傾計,

一路都冇事發生過,

但係個肥仔一番到黎我個書包就有危險,

都唔知我個書包有d乜野咁好玩,

一日到黑都係到玩我個袋,乜佢地唔厭ge咩,連續第二日都係到玩我都費事理佢,跟住冇耐就到左8點半我就番課室個死肥仔話唔會再玩我個袋,我又信佢喎,跟住果個小息佢又真係唔玩喎,我以為冇野啦,點知果死肥仔食完lunch番黎佢又攞左我果袋黎玩,咁都算啦佢仲要將我個袋掉落地,我咪即刻追住佢黎打,真係佛都有火丫。

今日第二堂係上物理,由黃志偉教,都唔知係邊個係到嘈,搞到我地全班上到去5樓跟住又行番落去3樓,跟住又行番上去5樓,真係痳鬼煩。我地係後樓梯果到做完"運動"之後我地終於可以入去物理室到上堂,冇可否認呢一堂真係上得超無聊,上上下堂又俾我地休息一直到落堂,係上上下堂ge時候個屎忽謙就親我卜底訓覺果時冇啦啦係我耳邊吹氣,真係無聊到極丫,都唔知佢想點,果時我好想攞張凳一野車埋佢塊面到,我仲要同佢一齊坐成年丫,好在一個循環周只係上一次物理姐,不過諗落真係,,,,唉,,,