今日放假...
十點左右就醒左...
即刻去晾左衫再洗多機...
諗住兩個鐘既話...
十二點半就搞掊晒...
咁到時有街出都出到...
不過晾完機衫就知道自己係諗多左...
因為like已經出左街...
同佢丫爸丫媽去左荃灣飲茶...
問佢係咪約左其他人...
佢又話係...
以為自己今日真係要膠過...
係屋企度不停咁諗下有乜好做...
最後都係睇書...
不過之後唔知好彩定唔好彩...
睇完書無耐...
like就問我想唔想出街...
嗰時已經係2點半...
但係都唔理啦...
即刻答句當然想...
然後搵衫沖涼...
我諗佢咁問得應該都係出掛...
果然不出所料...
真係有得同佢出...
係樓下等車嗰陣...
湘就打比我同我講部W705咩價...
我差啲想同佢講...
我陣間都出丫...
不過唔想白費佢一番苦心...
而且我有多謝佢架...
搭車時...
like個嘴嘟起晒...
我諗就算佢再難估都好...
佢今次應該係有點唔開心掛...
問佢又無講...
我都無點再追問落去...
因為我諗緊另一件事...
佢上次話唔會再同我有過份既接觸...
唔通佢認真既...
事實係...
佢係認真既...
我至少今次無一開始就拖佢...
行街嗰陣我亦不時有作出些微既行動...
不過佢好似有所避開...
之後一路上我偶爾會勾住佢既手指...
但係唔夠十秒佢就好自然咁抽左出黎...
即使係捉住左佢隻手都縮左...
放棄既時候...
佢又捉返住我手肘喎...
我再作出行動佢又放手...
都唔知想點...
成程我無間歇過嘗試...
我放棄佢就主動勾住我...
我主動佢就唔理我...
我重可以點...
唯一可以興奮既係...
我買到一件T-shirt...
上面係加納特既波衫既logo同號碼...
超鍾意丫...
我之前旺角見到件差唔多...
但係唔同人既時候已經好想買返件...
我係adidas既專門店都搵唔到...
竟然係吉之島搵到...
重要係加納特丫...
同佢好有緣分丫...
唔買係對唔住佢同自己囉...
回程搭巴士返屋企...
我作出最大既嘗試啦...
繞過佢膊頭攬住佢...
不過無幾耐佢就直接攞左我隻手落黎...
唉...
咁重唔明白晒咩...
唔想再試啦...
屢試屢敗...
再屢敗屢試...
我夠啦...
好煩丫...
女人心理真係好難捉摸丫...
不過佢就同我講今日做咩成日唔開心...
佢話佢老豆話佢...
但係我唔多信...
因為佢唔係咁易受佢老豆影響...
可是佢都咁講...
我再追問下去都無用啦...
反正係要講就會同我講架啦...
可能佢真係講真呢...
我多疑掛...
|
