尋日食晏恆仔話今日去長沙滑浪...
放工即刻不停咁調假調更...
搞到我遲左半個鐘先走得人...
不過都比我搞到今日放假...
丫媽聽到我話放假...
即刻問我...
駛唔駛咁快又放丫...
早兩日先放完咋喎...
無計啦...
有得去玩滑浪...
機會難得...
反正星期五都無野做...
調左都無所謂...
今日諗住可以遲啲醒...
點知丫媽8點未夠就打電話黎...
佢話唔記得左帶開工褲喎...
今日啲丫頭又黎巡...
即係點丫...
要我攞去比佢囉...
諗住反正入愉景灣...
又無咁早有野做...
係入面周圍行下發掘下新地方...
猶其睇下個沙灘見唔見得人...
點知丫媽要我第一個站就落...
迫我落...
第一個站同中心差好遠好遠...
點行入去喎...
見到有架車返地鐵站...
諗住咁遠就由佢啦...
丫媽又迫我追車...
要架車成堆人等我一個...
好唔好意思...
十二點幾...
搭車去下長沙...
佢地5個人入黎...
不過我只係識得其中兩個...
但係唔緊要喎...
因為我尋日醒目問鬍鬚強借左塊滑浪板...
佢地得4塊板...
其中兩個係情侶黎既...
剛剛好分得晒啲板...
可惜既係我無問人借蛙鞋...
好彩我踢腳都重夠力...
可以追得到個浪黎玩...
玩左無耐諗住試下跪板...
無啦啦就比我跪到...
點解會咁易既...!!
我真係好符碌...
之後又做唔返喎...
但係唔緊要...
我都玩得好開心...
而且中段我地有4個無啦啦好似啲中一、二既人咁...
係度玩擲泥...
由本來3圍1...
玩下玩到無差別攻擊...
我地玩到係打開人地條泳褲丟入去...
敷下泥...
幫佢地美容一下...
但係玩到有一個唔好處...
因為我地幾個都無著到衫玩...
心口不停係塊板上面磨...
個肚多左好多條粉紅既痕...
整到有真正既pink lin丫...
個胸紅晒...
而且身上有少少割傷既傷口...
但係呢少少傷比起滑浪既興奮...
完全係無問題丫...
今日玩得超爽...
以後有機會都會再玩架...
我開始愈黎愈鍾意X-game啦...
|
