十一出左去睇禮物...
睇左成日都揀唔到咩好...
十二返外家食飯...
返去之前出旺角極速買左禮物...
8點幾先去到大埔...
但係都未開始食...
幾驚比丫媽少到飛起丫...
之後返屋企上網係咁搵野...
搵到成3點先有得訓...
今朝呢...
10點左右就起左身...
話晒今日都係特別日子嘛...
無理由要人地等...
醒左繼續努力尋晚既工作...
塗左刮鬍膏去搵野...
點知太耐...
d膏全部都無晒...
又要我再塗過黎刮...
好煩...
今日行程係集好幾個人先完成到...
行商場丫...
去cafe食下cake傾下計...
之後行下海傍...
睇幻彩詠香江...
訂左位食野...
再去賞下月玩下蠟燭...
講出黎係非常之好...
不過真係做既時候又真係差左d...
首先...
行商場都唔係行左好耐...
冒險樂園都係講笑多...
係cafe...
一開始搵唔到個好位子...
好彩既係之後比我地等到兩張sofa椅...
不過兩張野對望...
唔知可以點傾計同食野囉...
最後都係我地兩個一齊坐左一張上面...
有難度...
但係咁重好啦...
大家可以更加親密...
食完...
係尖東行去尖沙咀海傍...
天色漸黑...
完全適合晒...
突然我地兩個不停研究星光大道上既手掌印...
我地睇左幾十個之後...
得出一個結論...
有d掌印好淡並唔係因為整o個陣整得淺...
係比d遊客搞到咁...
不過講返又講...
我地係咁睇d印...
都有d似同胞囉...
好彩我地無相機跟身咋...
個幻彩呢...
真係唔睇好過睇...
成程呢睇左都唔知夠唔夠1分鐘...
本來好好地既行程破壞晒...
一黎我地已經混雜左係不同國籍既遊客之中...
二黎真係好悶...
唔知佢究竟搞緊乜...
d光好似唔match d音樂...
我地都有d後悔黎睇左...
食完野...
返左去青衣先玩蠟燭...
覺得有一樣幾特別既野...
開始係青衣...
特別都要係青衣...
青衣睇黎都已經係我地一個聖地lu...
我地玩蠟燭...
佢一開始就整個"I"字同心形...
整完又無位整"U"字啦喎...
要我擺自己去個"U"字位...
獨特...
之後我見唔係好夠蠟燭...
嘗試用想像中既方法睇下可唔可以玩耐d...
點知整出黎既...
比人話我係煲蠟囉...
我真係完全唔知原來呢一樣叫煲蠟...
睇黎我都幾有天份...
最後用剩下來既整左個"L+K"
我整黎整去都整唔到...
佢一次就整到...
我實在太太太太太太失敗啦...
我重知道左一樣野...
原來燒晒所有蠟燭係唔好架...
所以我地吹熄左最後一支...
留返一個好好既終結...
同時我都用我既方法送左禮物比佢...
希望佢會開心啦...
中秋同特別日子既重叠係意料之外...
我只係知...
我仍需要改進自己既能力...
羅曼蒂克的能力...
|
