一早比呀妹約左我今日要出街，不過佢一開始約我就知佢有d野，果然．．．本來佢諗住比個驚喜我，但係你地咁突然約我，好明顯就係有d野啦，我又點會諗唔到你地諗咩呀，比我睇穿晒啦．．．最後反而要我幫你地，真係．．．唔知講咩好lu．．．
不過今日我都唔係一去就係出街，我朝早去左鑽石山度拜個山先，呀媽話遲下多人，襯我放假快d去左佢，咁今日囉．．．去到，又係做返o個d野，拜一拜，上一上香，燒一燒d野，之後就食左d野食佢，因為呀媽話放係度都係比人執左去食，咁不如自己食左佢啦，唔好浪費，咁就食左好多肉．．．
呀妹佢話今日去唱K，我好早出到去葵芳等佢地，無計，拜山真係無咩野好做，好快ko，咁早去度，咪去左三聯睇左陣書先，愛情阿米巴最後一本都比我今日睇左，睇晒啦．．．之後就要努力返係Q版特工既一兩本新書度啦．．．
等到12點半左右佢地終於黎到，而我呢就要比個驚喜佢地．．．因為之前呃左佢話我唔黎，唉．．．相比起呀妹o個d低級既驚喜，我實在係太過有經驗啦，輕鬆．．．不過驚喜完發現左佢地好似人少左，原來有兩個返左去東涌開門比呀哥．．．無奈．．．出街唔帶鎖匙，唔好出啦，出街三寶都可以唔齊．．．
咁我地就無等佢地兩個，去左唱先，等緊房既時候佢比左字題我地估，"一山還有一山高"，好明顯個答案係"出"字，不過我突然諗到個"嵩"字都得，龜仔重要好驚訝點解會有第二個答案，勁頂癮，到你睇多d書你可能會再有另一個字呢．．．
唱K既過程，真係唔多講．．．佢地都唔係好唱，龜仔同昕霖無唱過．．．好無癮，不過我知道左一樣野．．．龜仔係唔食蛋既，我地叫左個石頭飯有隻蛋係度，siu好快咁幫佢"勞"左佢，搞到龜仔無咩點食到．．．唔關我事架，我唔知你唔食，siu佢知都咯記得，你搵佢算帳啦．．．
唱完去左行陣街就送呀妹返屋企，跟手就去左公園度吹下水，之後就陪佢地食野，不過我無食，要減少支出啦，用左好多錢，6日唱3次K，紀錄．．．之後就送左佢地返屋企就走左啦．．．
P.S.今日玩龜仔部nds發現有個小新game，我簡直係愛死佢，到佢返屋企既時候，我剛好打爆機，不過個片尾就睇唔切lu，等佢同佢呀妹慢慢睇下啦．．．
| 
