星期三,今朝起身開始有少少燒,喉嚨好痛,心諗....大獲H1N1!!之後就食咗兩粒感冒藥,叫峰爺自己比心機啦,我就休息下,好彩之後都退咗燒,只係喉嚨KEEP住痛啫,到6點就去學車,重有兩日就要補考啦,雖然而家得4線同6線,不過都有D緊張,今晚原本係約咗啊E食飯,到最後都去唔成,其實今晚嘅局係講我哋家庭問題嘅,不過個個都唔想去,比較清楚我嘅朋友都知我同啊媽嘅關係不嬲都唔好,我細佬又太過現實,咩都斤斤計較住,我啊媽又固執.....個個都唔想退一步,我自己都唔想理架,不過手掌又係肉手背又係肉,好辛苦啊,心情勁差....唉,呢幾日都好忙,一來要教峰爺拉糖,又就嚟要去攞報告,再加上家庭問題...真係頂唔順啦,好想搵個人嚟傾訴下啊!!!
| 
