星期日,醫生話一個星期先可以上三個鐘網咋,我試過唔理佢啦,原本真係會cut線....哈哈,前幾日我啊英國媽媽來探我,陪咗我好耐....同我講咗好多嘢,都係叫我唔好放棄嗰d嘢啦,佢差唔多留到6點先走,我係醫院識咗個男仔keith,佢同我一樣都係癌症,不過我比佢好少少,佢4歲就發現有癌症,佢先天性架,佢而家得11歲咋,佢同我講佢係醫院過咗6個生日,我就同佢講咁都幾特別啊,因為佢比較開朗我先咁同佢講,我重應承咗佢,我下次生日同佢一齊過,而家佢差唔多日日都過嚟玩,都好啦,我真係好悶,因為我走得好突然,連psp都無攞,只係同佢講我係澳門呢幾年嘅事,好似發咗場夢咁,佢今日問咗我一個問題,佢話如果你知道聽日就要死啦,咁最想做咩?我諗咗一陣我就話,好想再同返佢一齊,雖然可能到我真係死嗰一刻都無呢個可能,之後我就話可唔可以做兩件事,佢話我貪心.....重有一樣就係好想名屋企人好開心咁食餐飯,我覺得都係無咩可能.......