幾日都無打日誌,因為呢幾日都掛住打機,打返魔物獵人2G+3,由頭開始玩過,連打G級都一手一腳,雖然未去到,正在努力中.......

不過兩日前就發現咗一D嘢啦,原來我返工後面有間社區中心,入面有隊管樂隊.....係老人樂隊,因為前日返返下工聽到一陣好好聽嘅管樂,

我重以為有人播碟添,再聽下原來有隊老人隊樂,我好不由自主咁走咗去睇,嗰時我完全唔記得我返緊工......之後比人插咗一獲金,999.9仟足金,

之後第二日去問下我可唔可以加入啦,原來全部都係退伍軍人先可以......車,不過就真係好正,係澳門咁耐都未聽過咁正嘅管樂,聽緊嗰一刻係成

個人起哂雞皮.....好HING,不過加入唔到啦......之後再發現咗紋身係唔痛架......因為比我D朋友拉咗去紋身,下次影幅相,唔算太大