2009年2月26日.
本家庭購入了一樣超名貴的東西.
呵.
有點難以想像呢 ~
 

星期六.充實的一天........
返工hea.........
1點收工.去小蜜蜂買左個車仔麵C餐,
有...河粉,貢條,紅腸.蟹柳,時菜...5樣野.只係20蚊乍.
我仲要唔配野飲.......不過外賣加1蚊.大大碗.幾好食.
應該話..幾抵食........

2:40出門口,帶埋Nano去天水圍接Cream仔.
Call左Van仔去彭福.1人2狗..都幾呢hea.
cream b仲要頭5Mins狂叫........好彩之後都好乖乍.
3點半到彭福.09年重開後第一次去.
草無咁緣.不過好大好大.Nano玩得好開心呀.
今日相約埋好多狗狗一齊去...好多朋友仔好開心
Hung 靜雞雞黎左~原本佢要上堂架.哈.
玩到5點幾去沙田食大排檔~吹吹水.

食完都係7點幾,去宜家行左陣~想買兒童膠地"煎"
可惜無... 買左d垃雜野~ 起程回屯門了.

市中心落車,去G2000買野.
再去玩具部行左一陣.
美食counter買左野.哈哈
反斗城.買到膠地煎喇.
巴斯光年公仔~靚  其實用黎放sofa下.比nano跳上跳落.
減低傷害.

行完11點了..........買了美味串燒
再睇返"珠光寶氣",

今天很充實,很開心.
星期六做到好多野係最開心GA
因為就算幾夜都好~星期日有得訓返夠本.
 

牛年了........新一年.
以前會開開心心咁買好多新野.
新衫.新鞋.新床單,新睡衣.....
而家都有買新野.不過唔係特登留返新一年先著law.
節日氣氛而家一d都唔濃厚架.
不過都好開心既.因為...可以放咁多日假.
仲要出左3糧+bonus . 望住銀行戶口好開心呢....
不過搵得黎洗得去.... 照往年一樣..都係老人家小朋友.人人有份.
呵.....................每一年新年都覺得."呢間公司都幾好" 哈哈

新年無咩點打牌tim .
返左大陸.無咩做.不過發現廣洲火車快左好多呀.
上年去要1個鐘+10mins.今年.55mins已經到左喇.
仲要10mins一架火車. so good !

我地唔興特別去拜年.但由於去睇樓,
好似好忙咁.睇樓好煩不過好好笑..........
想住新樓...不過唔會供樓......oOoO
到底花落誰家?還是..一動不如一靜呢??

呢排好懶呀...好少出席奴少朋友仔ga聚會.
搞到nano好耐無見佢ga朋友仔喇.
不過新年有去搵阿B&Q ,仲有BB..DODO..NADIA
佢都應該好開心ga .

發現...小朋友可能比狗還難教....
生兒育女真係一樣偉大ga事...
現今社會.我相信好多人唔會咁做...
太恐怖了...............

新一年..都無咩願望...長遠ga願望....
努力吧!

一連2星期...又聖誕,又除夕,又元旦.
好忙碌呢 .~.
經濟差了.雖然對有份工ga打工仔黎講.
都無咩影響.不過..點都會影響購買慾架.
以往o係年尾ga日子.會o係公司用好多錢...
訂湯包....mask..... 刺身....長腳蟹...好多野買...
好多野要比錢....今年都無lu. 人人都留返D錢,
連我地...平安夜都無出去食聖誕大餐喇.

24th , 去左Nano朋友屋企.探大細B .
未足月狗BB.好細.好得意.似老鼠多D.
Nano 係黑色...... 佢bb個時一定好似老鼠啦...
今日平安夜大餐係打邊爐.好多野食.又有海鮮....
今日5人3狗+2狗bb.好熱鬧.主人家仲要唔收我地錢....
免費的平安夜餐......
11點幾散band.再去屯門朋友家聚一聚...玩左陣UNO.
呵 ~ Merry Christmas ar !!!!!!!!!!!!!!!!!!!

25th ,
訓到飽...hea左陣....hung 去剪頭毛.
我就拎d衫返屋企.....因為24th 公司派衫.
仲飲左碗mia靚湯同chicken wing @v@
之後去搵返hung .禮剪左2個鐘,終於完成.
之後出TST影燈.行海運with 瑤瑤.
好難影...好多人.....唉...........
7點幾去cafe 問聖誕party .開開心心過左呢一日了.

26th ,
我去左邊呢.......唔記得左...........
記得再打返.........

27th ,
要返工...半日...好慘......
1點放工去MK食野.同Nano打針...
之後返屯門....塞車..同nano巴士影沙龍...
之後搭小巴去元朗,join CO瑤買KFC.
錦繡party .COCO,瑤瑤.NADIA,NANO.
3女1男.NANO好開心.
4狗一齊跑草地.瑤瑤一路跑一路叫...好怕比人發現.
買左野食整比狗狗.
玩完.....返屯門...買串燒.............好味道.

28th , morning飲茶with 屋企人.
想去影相...不過天陰陰...返屋企hea左陣..
最後決定2口子返大陸...對唔住小奴B.
著左靚靚去街街.點知...要自己o係屋企.
去左按摩.修手修腳好梳fu...按完好餓.
去左萬象城食品村.日本放題任叫任食.
7折.108蚊.好抵得.又幾好食架.
海膽都任食架.今日無時間去超市tim
下次啦 .~. 完了....玩左5日.........呵

31th , 大大大除夕.Hung 放4點.Kero放5點.
Hung獨個兒去買野打邊爐.
呵.今日2人1狗打邊爐.有好多野食.
丸,菜,聖子,帶子,壕,牛,羊,蟹柳,魚腐,白菜餃,魚皮餃,粟米..
2個人......nano有羊片食.開心狗.
同nano講左一堆新一年ga祝福...唔知佢明唔明.
總知....要身體健康ar ,日日都做幸福快樂狗.
7點食到8點幾...執好野...食埋除夕木康布丁.睇TV.
11點.訓覺......因為..聽日有好重要ga事要做ar.

09.1.1
凌晨2點起身.....執齊野,3點多出門口....
西鐵好多人...不過o係返屯門lor..出去9龍ga人好少.
一個袋.一支腳架.一個nano袋....重....
個袋有......相機+鏡...飲品2支,nano食物...kero食物....好多野...
4點...到荃灣匯合朋友....大帽山進發.
泊好車.行上去喇........行左40mins
好凍...........原來有好多人同我地一樣睇日出架.
個日可能得3度.真係好凍.nano o係袋入邊...好舒服呢...
行到上中間.見到北斗7星.7粒好光好亮ga星星.
仲有旁邊好多零碎ga星星..好靚....好靚....
行到上目的地... 5:30am...d風打埋黎...唔知點形容..
相信比落雪ga日本仲要凍.因為o係日本係唔係企o係條街度咁耐..
仲要係好大風.....6點幾開始日出....
hung 同朋友就影左好多相.我同nano,另外朋友....要企埋一邊...
遮下風先得.........nano被包到好似個初生bb.
仲zip左暖包入佢件衫..7點左右~
行返落山lu.好急尿.......hung拎曬d野...好辛苦...*v*
一落山....去廁所先...之後.......有件烏龍事..
再去川龍飲茶.第1次去.咩都要自己黎.好舊式.
食完先計數..4個人.$132..都唔知係唔係ga.....不過幾平.
10:30回到屯門........訓ar !!!!!!!!!!!!!!!!!
起身食野....同nano沖涼.1月1日新開始ma
買送..返屋企煮飯. 點知我太倦了...同nano 訓左...
變左hung煮曬........哈哈哈

完了咁多日假..........要到新年lu.
新一年...要努力儲錢....
cut左d不必要開支.用o係d有意義ga地方.

 

新一年喇~ 2009年........
08年 . 真係有開心.有傷心.
其實,2樣ga不傷心事.已經係好震撼了.

傷心事,其中一樣.就係Nano做手術.
由剛剛接回nano ga一刻...心真的很痛.
呆呆的小奴...眼光光望著我,好像在說:
爸爸媽媽,你地去左邊...我好痛痛...
如果...他真的是一個小朋友,或者....
他會大哭,或者他會笑著對你說:我無事.
可惜,狗狗只可用眼神去表達.....難免我去想得更悲觀.
即使做完手術,原來...另一隻腳還是有問題.
剛開始的確難接受...時間慢慢過.
我會想...太清楚.未必好事.
只要小奴和我們,開開心心過每一天.便足夠,
幸好,小奴不是一隻"跳皮狗" .應該沒太大問題.勇敢.努力.

傷心事之二.親人的離去.
突然發生的事令人很難接受.
傷心之外...心裡是覺得"好遺憾"
有野事.....遺憾比傷心更難過. .... 願所有人..平平安安.
發生了事....令我不得不擔心...... 希望...身體健康.

其實. 08年都帶比我好多歡樂 . . .
特別係08年新年..初次識到狗狗朋友....
過左好開心ga一年....真係去左好多地方.
行左無數個山. 無數個僻遠沙灘游水.
無數個郊野公園bbq ... 好多好靚ga地方.
同埋Nano 1st birthday party都係好難忘.好開心.

每一日返工...狗狗blog . msn M群. facebook成為我生活工作一部份.
好開心有你地呢班朋友..... 不得不提...M群的確係一個好ga交流平台.
一齊傾計.講笑,分擔....好開心.

仲有大機入手....短短1年間...換了2次機........
為nano ..買左小白.....仲有其他設備...
唔知呢d叫唔叫值... 講個價錢出黎,可能會比人話我地傻...
不過...高手大有人在....唔值ga..點會有咁多發燒友.
最希望...可以帶著50d. 為nano ,為自己,為家人.為朋友..
留下多一點珍貴片段...............

今年只係去左台灣3日.唔知算唔算旅行...
未來一年....最想去日本沖繩....
即使日元高企...但.....願望之一.希望可以實行.

我們會有新成員嗎? 水汪汪的眼睛....白雪雪....
手腳短.......你...會出現嗎......不強求的一個願望....

還有我倆的願望.留待我們一起努力 ~ 加油奇露.