話說前三日

義工隊集會

Miss話星期六朝早去賣旗

諗都唔諗就同戴小姐參加咗

不過一到咗星期六起身嘅時候

就好後悔

因為我仲好眼訓 ==''

鬧鐘響嘅時候

完全無起身嘅意欲

懵到仲差d唔記得打俾戴小姐

睇吓佢起身未

好在佢自己一早起咗

﹙算佢都幾自覺﹚

﹙嗰d約我出街但會遲n分鐘嘅小朋友要反省﹚

7:45番到學校

一個人都無

除咗校工叔叔之外

搞到我仲以為要上課室

點知原來Miss仲遲過我番嚟

睇嚟下次我要訓晏d

d人番得差唔多嘅時候

就開始攞旗袋

仲有m記$10券送

到底我哋係唔係義務架

點知好似有人工收咁嘅﹖

出到去賣旗

食咗好多檸檬

不過都有頗多人買旗嘅

有d我唔問都走過嚟買

賣賣吓見到玉兔

佢竟然以為我番學校排戲

想搵我買旗

當街當行勁大聲咁嗌"女班"

搞到我仲以為發生咩事

我自問今賣旗次賣旗有d唔認真

因為我不斷咁同戴小姐傾計

都唔係專心賣旗

由於多銀仔嘅關係

個旗袋好重

唔知係金融海嘯

定係我賣得唔專心

今次我淨係買到一張半嘅旗

下次要認真d！

11點x分還咗旗袋之後

同玉兔+笨子超淫+老豆

一齊去咗元朗度食晏

去到笨子問我哋想食乜

跟住又話自己想食吉x家

我哋話食第二d

點知行行吓

佢帶咗我哋行咗去吉x家門口

俾老豆串咗佢幾句之後

都係順佢意入咗去食

買完飯之後

巧合

發現蔡曉x同陳x穎都入咗嚟食野

食完野之後

我哋上咗三聯睇書

巧合

碰到珈珈

同佢講蔡同陳喺吉x家

即刻衝咗去搵佢哋

不愧為好朋友

入到書局大半個鐘之後

用咗20分鐘睇危險人物

勁嘔心

睇到差d連剛剛嘅牛肉飯

都要吐出來

不久

我哋終於離開書局

但係笨子竟然話

要去B仔or許x山食糖水

明明頭先勁飽

睇完"危險"之後想作嘔

你仲話要食糖水

但係最後都去咗

我們三女都叫咗西米露狀物體

不過老豆好似叫錯野...

佢叫咗雞翼尖

但係辣爆

最終佢頂唔順

將d翼尖淋過水先食

笑到我哋.....

去完B仔2點x

我就搭輕鐵番屋企

點知我落咗輕鐵之後

巧合

俾我撞到富豪出門回校

仲你眼望我眼

實在太巧合

點解我會撞到咁多人﹖