今日之後,我地班就要分開啦,雖然系有啲唔捨得,
但始終都要分開唔同嘅班,美婷讀A班,寶婷讀D班,
而我,就同番同班嘅幾個同學一齊讀C班,但佢地全部都系修商業,得我修圖傳.
雖然唔可以同佢地修同一科,但可以同一班,都幾好啊~
今日系畢業典禮,亦系我係中三嘅最後一日,
畢業典禮上,有校長嘅講野,又有頒獎,
哇~Form2有個崔鈞棋,佢攞成九個學科獎狀,仲有另外幾個獎,
唉,人地攞咁多獎,都唔知佢點讀傢,咁勁都有?
頒完獎....就到我地form3嘅班代表上台攞畢業証書...
不過本身系我同陳兆衡要上去攞嘅,但搞搞吓,變左美婷同亞奶上去,
其實美婷系前任班長,都ok啦,亞奶就因為陳生著左波鞋,冇得上...先要亞奶頂上.
不知不覺,個畢業典禮已經結束啦,又系時候要講聲88啦....
(註冊嗰日)8月1日再見啦!
放學之後,美婷.美美兩個黎左我屋企食lunch,食完就玩啤啤,
紅點.....我WIN,鋤大D....美美同美婷WIN,因為我唔識玩鋤大D...
玩到3點幾左右,佢兩個走啦,,,,,,,,........好開心啊~
係最後一日玩得咁開心,真系好唔想俾時間流走....
|
