拖左半個多月先黎打qooza似乎有點過分
但都攞黎辛苦既 又要考自己既記憶力...
16/7 星期五
4D 26個 海洋公園Let's get wet!
去到金鐘淨係見到Regina導遊姐姐 (導遊姐姐...係Regina話要咁叫-_-)
入場前我有個任務 就係畀野一個住香港仔既親戚B)
入場之後即刻去玩滑浪飛船 我同Bonnie有幸同Regina一架船:D
冇幾耐我地班就分左做2大組 濕身組同遊歷組 仲有少部分既去玩
濕身組真係玩足咁耐夏水禮
我就唔想咁快玩 所以變左遊歷組
即刻就玩飛天鞦韆 想排海盜船落大雨
我竟然high大左咁向後面d遊客用普通話嗌
最後21個人一齊玩夏水禮wow 仲有好多唔識既小學雞同工作人員
雖然戴住眼鏡玩 不過仲有副保護鏡多霧到睇唔到野 面前係邊個都唔知
之後我仲要被拎水桶既工作人員照頭淋左3次-_-
玩完之後落雨 個個冇理到 點知愈落愈大 擺低左既野都濕晒
好彩我新書包防水 部電話又防水 如果唔係真係損失慘重:D
19/7 星期一
呀媽生日快樂~~!!!
17號老豆同呀媽過大海
18號係樓下買現成蛋糕
19號我要補課補全日-3-
24/7 星期六
Trouble生日快樂~~!!!
唱k好正 好耐冇唱過 不過都係唔敢係咁多人面前發癲懶rock
冇酒精香檳 係桃味既果汁? 好酸... 蛋糕=忌廉一大塊-.-
沙嗲王 本來諗住食蛋糕... 最後食埋飯先 仲要去埋麗城@@
26/7 星期一
補完課上揚琴 原來唔經唔覺係最後一堂
唔經唔覺學左4年 出年真係未必再學
呢種咁冷門既樂器 其實學左對自己有好處架
不過時間唔允許 如果出年學既話真係會超忙._.
3/8 星期二
動漫電玩節last day 無無聊聊去行下
第一次睇cosplay決賽 夏美啊~~~
本來以為行到12點走得 試玩睇人玩可以捱到6點@@
d人個個跳Poker Face跳到我洗腦~"~
Xbox360炸彈人真係超好玩 我認我技窮喇-.-
4/8 星期三
曹公潭黃昏營 原來可以自己組隊申請去玩架@@
學生只需$9咋 成人都係$17 咁就可以由5點半玩到10點半 都好抵啦~ (我係咪賣緊廣告-.-)
其實同日營差唔多都係果d活動 唔同既就當然係活動時間-.-
夜晚仲游水添 游完一轉好似多左氣-.-
5/8 星期四
嘩~ 連續2日咁玩法 一起床就全身散晒
不過話就話番去補課 drop左geog既我其實番去做功課
仲要聽住歌 食住糖咁做(超衰女-.-v) ...不過全身散晒 做做下都頂唔順訓左覺
結果番屋企 食飽冇耐就係梳化度訓左...醒左都仲係攰._.
呀...功課呀... 英文我係geog堂都有做
但其他科(原來科科都有好多功課-.-)都似乎冇乜點做過><
咁點算... 我記得上年9月頭都係未做晒功課架-.-
果然年年生日都係趕功課-v-"
...嘩 總算可以將大事(?)打番晒出黎喇
但總係覺得好多事都冇打的樣子...
算啦... 我遲左十幾日才屢行承諾 現在總算做番d野喇-_-
