尋日星期六.....中學部要考試........而我地中六就要返去補課......

派左數學模擬考ge卷......32分= =....英文40分= =......中文63分= =

唉....加埋晒都冇150分........慘了~~~~~

夜晚.....涼涼生日搞唱k....去柏惠搵喪榮同埋lauging洪一齊買禮物......

之後去置地廣場ge一間k場......環境都ok正......夠大.........

人齊之後一齊玩.....唱生日歌...場面好溫馨.......可以話係我唱k以來覺得最好玩ge一次啦......

玩下玩下.......都飲左唔少....有種飄下飄下ge感覺~~~頂唔順之後冇玩.....坐係度聽佢地唱歌.......基c唱歌真係好正.....小豬d歌俾佢模仿到好似^^

坐到大約2點....同小澄一齊走.........返到屋企zzzzzz.......飲完酒訓得好爽^^.......一訓就訓到11點幾.......之後溫習了~~~~~

尋晚話唔定係最後一次ge relaxed啦.....因為之後ge日子難捱咯......測驗考試多到暈.....下星期六日ge理工入學試........睇住來啦.......

係尋晚....喪榮打俾我話今日賽友誼賽.....叫我帶波衫返去....

捱完8堂悶爆既課之後.....落去地下球場打波.......

唔洗好耐就開始比賽啦.........

今次比賽好特別.......係由6E&6C VS 6A&B%D

混合賽......超搞笑......

過去既對手....而家成為隊友........

我打左第2節&第4節.....係咁跑.....又要攻又要守.......勁喘氣~~~~~~

不過全場波都好搞笑....雖然觀眾唔多......但氣氛都幾好(搞笑)

好彩今次唔洗空手而回.....

比賽完左...雖然幾辛苦......但超好玩......如果有多次就好lu......

又留低左一個美好既回憶啦~~~~~~~~~~^^

星期六朝早返學補課......放學之後即刻返屋企食飯.....之後換衫準備2日1夜既大陸之旅........今次返去既目的就係拜山~~~~

星期六夜晚返到去........原來大陸既氣溫係凍過澳門咁多架......仲成日落雨....因為趕住出門冇帶多件衫.....凍死了>.<"~~~~~~~

食完晚飯.....同嫲嫲傾下計......因為我成3年冇返過去啦......所以有超多野傾.....傾左好耐.......其中令我印象最深刻既係.....當嫲嫲講到佢自己已經老啦....加上鄉下度d人大部分都搬晒去第2度住....得返戈2,,3戶人....實在係太過寂寞.......渡日如年......想搵個人傾下計都難~~~講到有少少眼濕濕.....我聽到都有少少眼濕濕.....怪就怪自己唔抽多d時間返去探下佢啦.......不過放心...我以後一有時間一定會多d返去探你架~~~~~~

今日朝早去左姨媽屋企探佢地.....傾左一陣準備去飲茶戈陣美國既表姐打電話返來....話佢做人媽咪啦~~~~~~係尋晚生左個女......so surprised........想當年我表姐仲成日接我返幼稚園.....而家居然已經做左人地媽咪啦wo.............唉~~~時間真係過得超快呢~~~~

中午時份去拜山....幾十個親戚一齊拜山何其壯觀也~~~拜下拜下就拜到成2點半先有飯食.......差d餓暈lu~~~

食完飯又用好趕既速度坐車返澳門......由於天黑左加上又落雨.....所以架車開得幾慢....用左2個幾鐘先到......返到屋企第1時間沖個熱水涼.....洗去一身既疲勞.....攰死了~~~~唉.......聽日仲要默中文呢........溫習去~~~~~~

今日又係一年一度既環山跑.......朝早起身仲有少少凍凍地~~~~

我地a組要跑11點戈場........但我居然食錯藥........10點多少少就到左.........

本身念住係戈度食埋個早餐啦~~~點知俾人搶左來食T^T...........

又係餓住個肚係度等......之後先知個比賽delay左半個鐘........

等到大約11點半終於到我地跑啦.........今次加埋一d   a   sir同埋我地一齊跑......

一路跑跑跑..........唔知唔覺就到左終點lu.......羅第9........比上年有進步er.......唔錯唔錯........

跑完抖左陣就返屋企.....揸車揸到松山戈條賽車路開始落大雨....冇帶雨衣......慘~~~~~一路上d風吹埋來.......加上d汗未乾......凍到係咁打冷震.......

好唔容易先返到屋企......沖完涼食飯跟住訓覺lu......

雖然超攰.......但我覺得好有紀念價值......話晒都係最後一次啦~~~~所以都冇遺憾啦~~~

今日最後一科既數學都考完lu.......心情很輕鬆呢(因為根本冇溫過= =)

下午返學聽校慶講座.....講座之前miss派左之前既數學test.......61分.奇蹟出現了er~~~之後聽講座.....悶得要命.....訓著左.....hehe

放學返屋企上左陣網....之後沖涼去睇男a手球決賽........

真係超超超超超刺激的說........最後贏左啦~~~3連冠啦~~~

個個球員都打得好好......多謝晒你地為ck爭光呀~~~~~

睇完比錯......揸住架車周圍兜.....漫無目的.......

最後同左大麻誠去打左陣街機.....悶er.....之後就返屋企了........

早d訓.........養足精神迎接聽日環山跑.....(成12點幾了....仲早嗎= =)

聽日一定要保持上年既紀錄喔~~~~~~