連法證先鋒 1 都被我睇完了
今天無聊地看L-最後23天
真係幾好睇
L很可憐呢...最後都要死
如果我無記錯...漫畫版的N好似係衰人來的
漫畫版我睇到十二、三集就無睇啦...唔知出完未呢

最近可能太休閒
以致晚上連訓都唔係好訓到
今日都係要天光先訓到
但是十點幾就醒左
最近嚴重睡眠不足！睇黎都要做下d懶人運動先得
今晚出街食飯...要GEL頭
都唔知係咪D GEL整到去頭皮度...從日頭痛到而家...都唔知要痛到幾時
已經痛足幾個鐘...應該仲有排痛

今日開始做英文了
個腦生鏽左好耐...睇英文字極慢...而且傳送唔到去個腦度
仲衰過56k...可能未交上網費
再唔睇下做下...我想可能要從26個字母開始學起
好彩昨晚早知部字典機一定會無電...於是先充電...不然又無機用
討厭充電的東西...都係鍾意用電池多d
以這龜速...一份都唔知要做幾耐
我相信會越做越快的！希望在明天丫嘛
Fighting！

* 加入左勤力學會做奸世..真實身份依然係頹廢會會長！哈哈哈... *

晚上去食飯...終於去左和庭
五十元自助團...又係由人sponsor
無計...太窮困...多謝大家的熱情相助...窮女子十分感激
之後萬寧七五折...去左一轉...然後一場腥風血雨由此起
我又再一次對唔住江東父老們...唔覺意洗大左
今個月的伙食費(即出街錢)無曬...一 kill 清袋...kill到一頸血
雖然錢唔係多...不過由於本人極窮...so少少錢已致命
月中就已經搞成咁...真係太敗家啦！
本人要積極改進...下個月的伙食費一定要撐到一個月！就算無...都要大半個月！

遲d仲要用$20搭車返學校搞手續...真係想起都心痛