四點幾醒過一次....不過係因為發夢...
而個夢的場景係學校圖書館...
於是又想起條八婆....真係激心丫！
激死我啦...嬲到我訓唔到...
最後嬲左好耐先訓得返...
啊！ 真係人都瘋！

早上八點幾...我老爸話你做咩仲唔返學校...
之後我話...唔返丫...同我八字唔夾丫...唔想見到條八婆丫！
雖然死賴係屋企...不過都係溫唔到...因為要洗床單...所以要拾床...
我張床多野到....
拾完好累...想訓一訓....

結果....係屋企果然係溫唔到書既....
頹廢左整日....直至四點幾先碰d B Law...真係...明天等死！
六點d床單已經洗好...老爸拿左返黎....
又要鋪床...搞到成身汗...沖完涼出黎...天已黑...真的是...十個汗

西環叫我唔好係朋友面前鬧果條友咁多...因為佢可能都對果條友都有意思係借d意同人溫書見多佢幾面...
我唔知咁多！
sunshine and the beach我都唔鍾意啦...
更何況係sunshine and the bitch...
如果係真的....我只能講無眼光同睇佢點死...
朋友既然唔鍾意我講佢個朋友...竟然係咁維護佢個朋友既...咁我最多唔係佢面前再講...
唔代表我唔再憎果條友！
我係超級的親疏有別！朋友的朋友....無咩忍耐的quota架咋....
溫柔同善良仲有寬宏大量亦只會係我心情好的時候出現...
仲有只對朋友、屋企人...朋友的朋友...無咩份！
雖然我係會有可能愛屋及烏....不過朋友唔係我的愛屋...所以無可能可以及烏！
我唔去打佢小人已經算係對佢好好！