今日要番去中染果邊訓choir,8月5有show。

今日全部特訓班既人都係齊度,but同上次一樣,都係唱得麻麻地。

miss cheung搵左我做solo,都幾開針呀^^

今日又有鋼琴比賽,對手有林瀚。

本來我仲驚首歌會炒,但係今次又幾順利喎~

符符碌碌咁拎左個季軍番尼,我真係好彩^^

跟住聽下場既recital class(Gd.7-8)既比賽。

啲人真係好勁呀,搞到我聽到呆左@@

尤其係陳兆彤,佢真係勁到........我唔識點形容呀!

我諗我真係要更加努力呀!

下午學完笛番屋企,of couse見倒「李先生」係度打羽毛球。

唔知佢係唔係少見我着裙,有啲奇怪咁望住我。

跟住買左杯乳酪,一路睇佢打羽毛球一路食,食完就歸家去喇~

今日,我學完游水之後,我就跟呀哥去左舅母屋企。

去到舅母屋企,第一件要做咩?就係彈琴喇!

because聽日我又有鋼琴比賽,so我呀媽就千叮萬囑我要練琴。

另一方面,舅母亦同呀哥介紹緊升學出路。

之後超鵬(禾的表哥)番左尼,皆因知道我呀哥帶左wii尼。

冇幾耐之後我地就係度玩wii。

玩wii似乎真係一個好好既合家歡節目,我地全部人都圍住部tv係度玩。

夜晚,我留左係舅母屋企食飯,係咁俾人「姪」==