好耐冇打日記添...原因係我懶><

依兩日屋企冇人...唉...好寂寞...屋企人番晒大陸...

琴日朝早十點起身...換好衫...著左件綠色恤衫,新眼鏡..感覺怪怪地咁...

十一點同興起左唱K...唱左好多歌.....^^

唱完之後我就去左阿哥度拎部PS2番我屋企....

番屋企和興大戰PS2一番....之後仲打埋勁舞同信長...

去到5點幾....俊哥叫我出去....去打機...我不嬲都唔打機咖嗎....

算...見係俊哥...俾面佢先去....打到7點到啦....就去地鐵站....

等埋E班D人...同佢地一齊去班會活動....點解我會同佢地一齊去??唔話你地知....

去到有廿幾人....非常疊友....令我感到恐懼.....經常俾雞昌恰我...><我唔可以向強權屈服的...

去到十點左右....就走了....我今日飲左酒...俊哥教壞我><...唉...好曳添.....

之後又俾人拉左去打機><......打到12點就番屋企啦.....

睇阿士東維拉對曼聯...曼聯太強啦....^^嬴4比1

之後就hea下hea下...咁又3點啦...就訓了...........

今日12點先起身.....

等到5點幾去左青衣踢波.....

今日入左3球...助攻左4球...但係扭親隻左腳><

今日我唔係點射波....係咁傳波....但係d人就…不願致評....

下個星期大鑊啦....星期4 PE堂....星期5學校旅行...旅行完去踢波....星期日6-8點又踢波....

9點幾番到屋企....沖完涼隻腳仲痛><死啦......