２３／８

琴日一點九出去，去搵鄺浩然∼行左陣葵廣，之後去搵林祖興∼

就去左大窩口攞身份証，之後陪佢地去福來村買校服∼

買完就去食ｄ野，就去左圖書館∼抄答案∼

抄完我去左阿哥屋企，佢地就走左啦∼

夜晚十點落左去同豬肉，王寶浚同埋ｒｃ係四海打保齡球∼

打完我就上番阿哥度打機∼

２４／８

今朝好晏起身，食完野就打左陣機，之後就番屋企∼

冇出過街∼係度睇電視，打下機，訓覺∼超悶∼

今朝十點起左身，諗住十點半林祖興放學果陣，同佢同埋鄺浩然去拎身份証，

買校服同埋抄答案，點知蔡尚傳未俾番份答案林祖興，整到今日冇去到，

聽日先至去得∼

跟住肥駿上左我屋企，打左陣機，約左黃景義樓下等，諗住去打機，但係見到ｒｃ，

佢話去文娛，咁就去左文娛打陣機，再去新網路打機，打打下聲仔黎埋，

我地係到教佢玩信長，之後我同肥駿打黃景義同聲仔，我用最上義姬，

我地嬴左，之後打流星，打多陣就走啦∼去左買野食∼之後番屋企食飯∼

睇左神雕同１５／１６。冇睇刑事情報科∼因為唔好睇∼

今日一早起左身，本身琴日去游水，點知落雨∼

林祖興話有陽光就去，咁我見今日有陽光，就打俾鄺浩然，再搵林祖興∼

兩點三，我地係ｏｋ等齊，就去左青衣游水，本身去城門谷，但係城門谷洗池。

我游左陣，見到ＣＨＥＲＲＹ，佢一家大細黎游水，我地再游游下，見到何敏娟∼

游完之後，去左西九龍食壽司，食完就去左黃金，之後就塔車番葵芳，再行葵涌廣場，行完就番屋企

１１點起身，十二點出去練琴，練完就去學琴∼

本身諗住學完就去游水，點知落雨冇得去∼

跟住番屋企係到打機，打到食飯∼食完飯就睇美女廚房，

之後就睇奇幻兵團ＬＸＧ∼∼

今日冇野做∼係屋企打ａｏｃ，打完之後裝寒冰霸權，我一路裝一路睇拳霸∼

之後係度打寒冰∼