尋日去op

好開心,雖然好多野自己唔玩得

不過成班一齊既氣氛真係好好^^

不過就好累咯

2點幾左右,分開左兩批人

我同heidi同d男仔去玩個d攤位

哈~好搞笑~都唔係好掂姐

不過heidi幫我掟隻豬仔呀^^"

之後要返落去集合!!

我地等左一個鐘先有纜車...

隻腳好痛好累呀....

集合完就去長發食飯..

一開始我地成枱係咁食....

好快就飽晒-.-

跟住飲左酒~~一飲左酒~

d唔開心既野就湧上黎喇

之後娟娟又唔開心...係咁喊...

我作為佢身邊既朋友,但係只可以睇住佢咁

我完全幫唔到佢...

見到佢咁我都幫唔到佢....好心痛

我都唔想同你一齊喊!!

我應該安慰你..但係我忍唔到喇..

我心裡面一直屈住既眼淚都流出黎喇

哩兩件事足以令我喊...

對唔住呀各位!

我好冇用...我又喊喇

其實哩d唔開心我一直都冇同人講

自己晚晚係被入面喊...

唔可以比屋企人知___好辛苦

我成日叫人地有咩唔開心同我講

但係我自己卻做唔到

我冇同人講

連最好既朋友都冇.......對唔住呀

之後去海旁吹下海風---舒服好多

同阿wing阿時娟娟掟石仔

掟晒d唔開心既野@@只係安慰自己

走lu~本身同德穎同娟娟搭的走

但係terry話想見我..陪我返去..所以去巴士站等佢

等等下,娟娟,德德,allen,蚊蚊佢地行過黎話陪我等

^^"好感動呀

你地太好喇!!

跟住terry黎左就返去lu~

多謝娟娟比我有機會發洩一下 , 大喊一場^^

多謝肥雞既擁抱同安慰 , 令我快d冇事^^

多謝阿wing , 一直陪住我^^

多謝allen , 有機會先再送我返去啦^^

多謝德穎既關心^^

多謝阿時安慰^^

多謝上天比左哩班咁好既朋友我

多謝你地 , 我冇事la~

娟娟 , 見到你咁真係好心痛...

我知有好多野外人幫唔到d咩

但係我會陪住你架^^"

今朝起身.....頭痛又沙聲.....

仲有原來尋日整親隻腳.....

瘀左呀!!-.-

terry今日下午就返大6喇.....

冇人傾計....我會搵你地咯