今日晏就2點幾落左街買左杯M記咖啡

係M記坐左個幾中-.-

跟住就番屋企.

      我竟然陪左我細老落街打波.

少有囉.

落到去

我同呀媽一齊笑到死左`

呢個年代D細老仔真係好野蠻任性囉.

任性到你都唔信

故事係咁既``

小朋友A同媽咪A落左街踩單車.

小朋友B同媽咪B就經過佢地.

小朋友B就想玩單車.

跟住媽咪B就問媽咪A同小朋友A借單車嚟踩.

個小朋友A好大方.

二話不說就借左比個小朋友B.

點知個小朋友B一見到單車就發左癲咁`

一上左單車就唔肯落番嚟.

小朋友A就好專心咁望住我同我細老打波.

跟住睇左十幾分鐘.

小朋友A想攞番部單車.

媽咪A就同媽咪B講.

我地要番屋企喇.

跟住媽咪B就嘗試截停佢個仔.

點知唔成功

個小朋友B唔肯落番嚟.

PS:兩個小朋友介乎3-5歲`

小朋友B繼續若無其視咁踩單車.

媽咪B只好好難為咁向住媽咪A講sorry`

媽咪B又去整停小朋友B`

整停到喇.

佢開始時好溫柔咁對佢講

要比番架車人地喇.

我地都玩左好耐喇.

小朋友B梗係唔制`

仲係度扭計.

跟住媽咪B嘗試抱走佢.

但係個小朋友B超強.

扯住架車痴實架車

拔都拔唔到,.

仲比小朋友B走甩左-.-

媽咪A同小朋友A好無奈咁望住自己架單車比人佔領.

我同細老同呀媽就笑到停唔到.

估唔到個細老咁強`

媽咪B再截停佢.

再用多一倍既力去扯佢出嚟.

個細老好似"生有神力"咁

扯極都唔甩-.-

仲走埋佬.

媽咪B出最後一招.

講~

我走喇.

快D還番部車比人啦.

佢仲強呀今次

小朋友B講~

好呀`

我地走lu.

奇怪既係.

笑點係佢踩埋小朋友A架單車走-.-

踏到見都唔見左踪影先強呀`

小朋友A已經係度喊緊-.-

睇見都慘`

小朋友C就借左佢架單車比小朋友A.

原來宜家D細老除左野蠻

有D都好有愛心既`

媽咪B就追出去拖番佢個仔番嚟.

但係拖到番嚟.

佢都係唔肯落車.

最後.

媽咪B就兩隻腳夾住單車.

兩隻手扯小朋友B出嚟.

打埋佢

終於成功=)

我地由頭笑到落尾.

=)

     是日金句 :

野蠻小孩子`

大方小孩子`

更大方小孩子-.-