今朝早訓到7:30就起左身啦~原來琴晚佢地4個人一齊訓一張床,訓到成條香腸咁~佢地訓到8:00度先起身~我地又玩啤牌,本身玩到10:30就食早餐,食完早餐就去左沙灘玩,但係有d人就唔想去沙灘玩到濕身啦~

結果就只係得我同呀敏敏去沙灘游水,佢地就去左食早餐,我地就去左沙灘游左一個鐘,人就唔係好多,天氣幾好啦,不過就好晒,原來長洲d沙係好粗x100000,個海灘都幾污糟,有好多魚仔同我地一齊游水,我同敏敏拾左好多貝殼,原來係只不過係蜆來架即~

原來沙灘游水係好浮既,游完水之後就拿拿聲番去沖涼啦,點知個個都想「唔唔」喎~

到我地沖完涼之後就拿拿聲要交房啦~同敏敏去左食魚湯米線,佢話個d魚湯米線係冇味精架喎~要我地連湯都飲埋,不過就真係幾好味喎~

我地搭1:15個班船出番去,今次就坐上層,就冇咁搖,但係都有少少暈船浪,可能我唔受得啦~

番到市區,就去左鑽石山度食M記,同去左影貼紙相同卡相.........

e兩日都玩得好累~~~~~~訓餐飽

 --->d風景好靚呀!!

 --->中間果張大家都變左黑炭

  --->clm & me                                                                                --->rb & me

今朝早8:00係wst mtr出發,得我+clm+vera+楚玲4人,我地去到中環搭9:15分班船,而我竟然暈船浪,我地就坐左最下層,個果位又有勁大陣氣油味,加上果陣時勁大浪,真係好辛苦呀~

入到去長洲就拿拿聲搵渡假屋啦~問左幾間,我地揀左400$兩房一廳連天台,我地入屋個陣好鬼驚,因為聽人講話東堤好猛,唔好話我地迷信,我地真係敲左門,同埋左腳入先.

放低野之後,我地係長洲行左一個圈,原來長洲真係唔係好大,渡假屋只係東堤先有~唔洗幾耐就行完成個長洲啦,行到身水身汗,就拿拿聲番去屋仔度涼冷氣同玩啤牌

下午3:00度,RB +KATIE+SHERRY就入到來啦~我地去左街市買餸,今晚諗住「一獲熟」.....有烏冬,菜,粉絲丸........幾正

9:00我食飽之後,rb係度講埋d恐怖野,嚇到我唔敢沖涼,我就攞左塊布蓋住個門口沖

沖完之後,出左去行下長洲既夜景,原來夜晚沙灘係好恐怖架,一盞街燈都冇,行到出去碼頭個邊就好熱鬧啦,有人係度唱戲,又有街邊有小食,我地就買左d小食企係度食~

行番屋仔都已經10:30,不經不覺就行左個半鐘啦,番到去之後佢地知個個係度睇tv,睇到我想訓覺,

12:30我就同敏敏上左床訓先啦~而佢地就啤牌玩到4:00先訓~

今日last一堂學琴,ha...ha......一切都好似平時咁,miss又同我講練多d琴,但我諗都冇乜機會練琴家la!!

學完琴,去左買眼仔,返屋企娜娜臨try下舊果仔眼用唔用得,裝左隻碟,大概都試過我諗應該都得.......因為太趕時間,so未試清就出左門la~

約左vera,佢陪我去cut hair............去到間野都幾多人,但都唔洗等就拉左我去洗頭la,今次個髮型師好鬼粗魯,係咁糟質我個頭,洗頭又冇按摩椅,cut hair個陣就用盡力係咁係咁梳我個頭,而個髮夾就「兜」野夾埋來,痛到我死下死下......唔知點解唔見左上次幫ling ling剪個髮型師ge~不過d個都算剪得幾好~

剪完頭之後,就同vera去左wst c 行下,去到大家樂食左個下午茶,豬扒包+可樂,我覺得俾人呃左囉~個豬扒包細到「豆屎」咁細,我諗一個口都食得哂~d豬扒又勁普通,都唔好食ge~我發誓我以後都唔會食e個餐啦~

去左大眾買左本達文西密碼,諗住過到去果邊慢慢睇~

今日一早去跳舞,d一堂係我ge last一堂la........今日得我自己一個跳,個個都唔返,有冇搞錯呀?

玩左成日電腦........5點去左九龍灣果邊拎贈品,果度5:30收工,好彩趕得切ja!

之後,係德福周圍盪,等winsy返工一齊去食飯.......去左大快活食左個"荷葉飯",都ok wo!!

食飽,我地去左影貼紙相.......ha.....ha........兩個傻婆

今日好開心,多謝你份禮物呀..........份禮物我好鍾意呀!!仲有多謝你個goodbye kiss~

今日英國返黎ge姨姨送左盒ge chocolate俾我地.......好靚,唔捨得食~

   --->我揀左d盒

今日約左yanyan,去佢屋企打機,一起身又要做家務......搞到12點先出得門口

lunch係"大家食"食左個~四川擔擔手攪麵,d麵幾好味,幾彈牙.....碗麵又夠辣

食飽飽,去左行仔間文具店買文具,買左好多野呀!

then,去左supermarket買薯片...........我地一路食薯片一路打機,隻game好好玩,唔洗用手制,我都幾勁,玩左個幾鐘........玩到好累

7:00就返屋企la........今晚好熱,間屋好似火爐........

好消息...........好消息...........今日First Aids 放榜la~我竟三part都PASS晒,好開心呀,我所負出ge努力果然冇白廢呀..........仲以為我人工呼吸會衰tim........ha.......ha.........意料之外~

早上去左學跳舞,下午同yanyan去左法狀寺.......走上了傳說中的奪命斜........真想奪了我的命,透不過氣來~

then,去左慈雲山中心行........有冷氣.......涼快得多,lunch係"大快活"食左好好味ge燒雞翼+粟米+豬排包,真係勁好味.......尤其是燒雞翼,有幾會一定要再來食過!!

買左兩件衫.........大象&鯊魚............

琴日睇波睇到4:00先訓,但今日訓到10:30就起身,又訓唔著,起身睇電視原來早上有叮噹睇家wo..........

之後,我地又睇左隻碟,隻碟一d都唔好睇,真係浪費時間.......死人lingling又話好好睇~

下午,去左美心食下午茶.........周圍盪左陣就返屋企la!,唔知點解好累,返到屋企就訓左個晏覺!

今日去rainbow屋企過夜,識了6年la,第一次係rb屋企訓

同佢去supermark買材料整"豆腐芝士蛋糕",去到佢屋企睇碟...........

整cake,原來同芝士蛋糕差唔多整法,只不過佢係有少少唔同.......多左豆腐&乳酪

我地整左一個鐘度就整完la,今日6點半食飯,都幾早,食完飯食我地整ge"豆腐芝士蛋糕",ha.....ha.......好成功呀,整得好好味!!

than,我地狂影相.........好好玩..........影左勁多相呀!!

12:30我地一齊睇波,我由頭睇到落尾......估唔到法國會輸,好hurt>.<

 --->我地整ge"豆腐芝士蛋糕"

今日又去學琴,仲有一次就學完lu.....唔知仲有冇幾會搵返d 個miss教我琴呢?話晒都2年半la,我係佢一手一腳培育出黎家,真係有d唔捨得........

講起唔捨得,有好多野唔捨得,唔捨得d個咁舒服ge屋企,咁多位好好ge朋友,香港每一個ge地方.......好好味ge野食,一切一切,我知道仲有大把機會的,但這一刻ge感覺就係捨不得!!只係幾年ge時間,明年的暑假應該會回來的........

期待明年一起到澳門遊玩,多謝你地ge關心,以下落黎仲有個幾星期的時間,我會好好珍惜的~~

今日係屋企拾左少少要帶去ge野........只係想已經有很多東西要帶過去........如果可以的話,希望可以帶陪琴過去

今日阿哥放假,同阿哥一齊睇"神話",真係幾好睇wo!!

下午有人上黎整電腦,陪電腦唔知有咩野問題,陪主機好噪&好慢

個師父整左成個鐘,佢話可能中左毒........要洗機呀

唉!要將d file save 落本notebook度,好麻煩!!

琴晚睇波睇到4點..........今日晨早又要去跳舞,起身果下好眼訓........

跳完舞返黎,lingling仲未起身,整薄餅做早餐.........

要yanyan教返我串星星,皆因我太善忘,已經唔記得左點串la........

下午去左"美心"食下午茶,花生醬西多士真係勁好味........

食完野行左陣lingling就返屋企la,我同yanyan繼續周圍盪.......

之後,就買餸煮飯..........

今朝同vera去左游水7點半去到......sylvia 游左一個鐘就走la.........我同vera就游左3個鐘,我地total游左26個塘,我覺得好累,但vera一d都唔累wo,佢真係勁呀!!我地今日又黑左好多la~

lunch去左大家樂食........食左個一哥豬排飯,食得好飽,雖則我係隔左個半鐘先食,但我諗我已經廢左一半武功

3:30要去返果度拎証,睇下佢簽唔簽佢我過去................

有lingling陪我去,去到果度等左陣.......唔知點解好驚見到琴日果個黑人,驚佢又會問我d咩野!!

點知有1/2幾會.......都俾我中........今日又係要見返果個黑人,好彩佢冇問我d咩野,only 俾返張証我 & 對返d資料就走得............

我得左la~佢簽左一年俾我過去讀書........我又冇咩野特別感覺wo,而我琴日只係誤會左,我去到都會有得讀旅遊~~最worry都係唔知會唔會自己一個搭機過去.........

今日lingling又係度過夜,同我一齊睇波,3:00~

今日一朝早又去跳舞la,今堂又教左d新舞步la,同上次果d完全唔同家!!

跳完舞返屋企休息左陣,沖左個涼又去出門la,約左二姑媽係金鐘MTR等.....

點知不幸ge事就發生la,我竟然困"車立"呀~初時都唔係咁驚家但部"車立"真係黎真,so我收起我手上食緊ge麵包......."車立"內有7個人4個老人家,一個阿舅+我同yanyan

個阿舅好有常識咁,係度安慰我地,我先冇咁驚,冇諗過困"車立"困左20mins,d氧氣越黎越少.......有個阿婆仲唔舒服tim.......係d個時候"車立"門就開la.......幸好冇事,但個阿舅仲好笑地企係"車立"裹面問:你地仲落唔落去呀??~等我仲以為佢好聰明tim!!

唉!!搞到我遲到.....好彩冇俾人罵ja!!10:30先去到金鐘MTR.......又去返果個保安嚴密ge地方,同上次一樣咁檢查.........

首先,拎左passport先,之後就上去搞簽證果d野la,果長form成份都係英文黎家,好鬼麻煩,填勁多野呀.......好似係度問家宅咁!!

原來11點果度d人食lunch,俾個保安係咁吹我地快d.......搞到我地雞手鴿腳.......都未填好又要見領使........好鬼驚見果個係黑人黎家,佢仲要好嚴肅咁,幾驚佢用英文同我講..........點知佢一開口,係識得講中文家,仲要係講得好鬼正果隻.......正過"喬寶寶",真係睇唔出wo

唉!!佢係度問長問短........好似係度審犯咁,仲話2000磅咁少ge??真係想打俾呀!!唉~俾姑媽話我唔帶成績表去........我都唔知要帶d咩野家ma,佢淨係同我講帶推薦書ja ma~鬼知咩!!

我地走左之後.......冇耐又call返我地上去,話我地填留左d野.........

都唔知佢批唔批我.......我諗佢多數都唔批家la,明日返黎拎返d黎就知批唔批.......