2008 年 5 月 18 日  星期日  

         Thx大家仲有離睇我日記板呀~^^多謝支持^w^*

         琴日~星期6上完補習堂就同dad&mun一齊去左市中心,我同dad就一齊拎眼鏡喇!!哈哈...終於拎左新眼鏡~媽媽同家姐話幾好睇,幾清,又唔會太in,又唔會好怪既感覺,哈哈...同校服既顏色一樣係綠色,不過係青綠色!唔知同學們會唔會唔習慣我咁既樣呢?!卡卡卡~XD*不過有d緊!我都仲未完全習慣到^^"

         聽日又番學lu~今晚應該會食埋最後一次藥~好番好多了~不過唔知會唔會要睇多一次醫生呢?!

         陣間溫埋果個英文默書就可以去沖涼~跟住就可以好好咁訓番一大覺喇~^w^**哈哈哈!yeah!人生一大快事呀~(enjoy!)

         就講住咁多先lu,溫埋書,沖涼,就可以訓覺喇~感謝神!=]**

*********************************************************
代禱事項:

1)為到四川既小孩,父母,老年人既健康,家庭等事項,請大家都為到佢地祈禱!若有太多既屍體未能及時處理,很容易便會爆發疫症!亦祈求神止住疫症爆發!
2)為到大家既學業啦~^^就快到考試!我校隨後都有TSA,實在有點叫人緊張!
3)為到家人們既工作及壓力!大家都可以早訓,有足夠既精神應付每日既事~
4)哈~仲有為到我既病快d好番啦~^^再咁食藥,實在難以有精神上堂聽書!仲有2個星期就考試了,求神幫助,可以係哩2個星期內快d好番~=]*
如果你地都有想幫你地祈禱既事都以可留個言話我知喇~^^盡能力為你地祈禱^^願神祝福大家~XD***

kiki

18/5/2008

                                                                                                                                       



                                                                                                                                                                

2008 年 5 月 14 日  星期三   清涼

       唔計星期日,都係得番22日炸!仲有22日就exam喇~隨後仲有TSA!!又有中3級既fashion show!!>w<"""驚驚.....一下子有咁多野做~希望有足夠既體力應付啦~^^* 求神比我有足夠既精神以及動力去做事,因為都係為神你而做嫁~而且比我學習如何為你而工作丫~^^*感謝神地~近日開始左溫習既動力!不過要分配時間就要好小心lu!哩2日又有活動!第3學期既考試都真係唔易呀!考番曬成個學期學過既野!最煩就係哩樣野!雖然話就話近日學既野會考得較多姐...好啦!要加油!做多d練習呀!!加油加油!^^

       發現數學真係有好多野都唔記得左!英文聽日又有測驗喇!有d野仲未攪得好清楚tim!要搵番多d資料lu!希望今晚可以早訓~^&^*

       最近病得都好攰呀....又係咁流鼻水..又係咁咳...又有啖...對耳又好塞..塞左2日lu...d野都唔係話聽得十分之清楚...所以都幾辛苦下..。不過點辛苦都唔及四川果邊d人辛苦...要多多為佢地祈禱祈禱呀~=]**你地都要加油呀!!!

       聽日同媽媽果邊既親戚食飯>w<***要用好快既速度番屋企換衫衫,d藥都食曬,所以聽日會去睇醫生!因為地方近既關係,順便買波鞋^w^(有時間既話就會買埋~)又去拎新眼鏡啦!XD*聽日會勁忙呢?!所以功課必定要快快攪掂...有d緊張tim...有咁多野做!要盡快做起曬d功課lu!=)*

       今日上課都有乖乖聽書~冇打瞌睡^^嘻嘻!今日算係充實既一日吧@@*

        大家都要比心機呀?!^^*加油加油!

         kiki

       14/5/2008

p.s.

今日lunch得我同kaman食飯...哈..我地2個撐枱腳~卡卡卡卡~食完飯走果陣,行左另一條路回校~行果條路果陣經過既地方好靚呢?!

To kaman:你好耐冇打日記喇啵!!!