今朝10點鐘要學琴,所以9點起左身...
之後就食野喇...跟住就冇野做,所以就睇[反斗車王],好搞笑,好好睇...
食完野就食藥...食左左d藥,好眼訓...由3點訓到6點...
食完晚飯就10點幾喇...
之後就做功課,得3樣功課,所以好快就做哂...
成日好似都冇咩野做過咁...

今朝一起身成身就痛喇...次次跑完山都係咁...笑又痛...行又痛,個個都係咁呀...
今日第一堂係週會...d詩歌好聼...
之後係math堂,有個新a sir教我地...全堂都好悶,佢寫d字真係靚爆呀......都唔明點解次次我地都係做白老鼠...上年math又係咁...
chem做實驗...幾好玩呀...電腦堂a sir教得好快呀...不過佢話我地係教得最快個班...都好嘅...學多d野lo...
最尾個堂係英文,又冇番...依家咁重要嘅時刻......算喇...可能佢真係病左喇~
之後miss要抽幾個人背英詩wo...唉~抽中左我呀...好彩我識背姐...之後就番番班房練...另外個miss又教得幾好,我地又讀得好左...
希望星期四比賽可以pass喇...

今朝番到學校就掉位...黎黎去去我都係坐個幾個位家喇...不過都好嘅..一個月掉一次,就當識多d朋友lo...
今日P.E堂要跑山...都唔明點解要今日跑山,又凍又落毛毛雨,跑到胃都痛...好彩唔係包尾渣...
跑完之後就小息...唸住去番地下個個女更衣室度換校服喇...點知一入到去...就差d臭死左...原來係爆尿渠呀,臭到呢...臭到我衣家重記得個朕味呀...我咁大個女第一次聞到咁臭嘅野......真係...我唸我呢一世都唔會唔記得個朕味家!!!!!!!!
之後math又大測...唔係好識...英文堂就去左禮堂練英詩...隻腳就黎斷喇...個個都好攰...
今日冇戴眼鏡,d同學話我冇戴眼鏡好睇d...隻眼大d...所以我依家唸住上堂先戴......
lunch之後係music堂...可能係食得太飽喇,搞到好眼訓...差d訓著~
最尾個堂又係英文堂...唸住又去禮堂練英詩喇...點知有人用緊,之後著左去地下學校大門口個個樓梯練喇...點知練左一次,一班form one係對面練wo...超大聲呀...我地對比起佢地真係好細聲lo...其實我地可以再大聲d家,不過有d人都唔係認真讀嘅...之後就要好雨咁走番上課室喇...今次冇哂面喇...我地係form3黎家,點可以咁家...唉~

今朝10:00起左身......之後睇<<冰之驕子Pride>>...
12:00出左去飲茶...飲完又要等埋亞媽買送...成三點先番
之後就功課...好多功課呀...聼日重要math測驗tim呀...係大測黎家...未溫呀...
重有英詩呀..重未背呀,今次死得喇....
之後又冇野做喇...好悶呀!!!
聼日學校可以換季...我發覺我地d校服好咩呀...唔想換呀......
(((朋友仔,恭喜你今日遇艷福wo...恭喜哂...)))

今日番小學探老師,話要10:00到,我9:45就到左喇...有d人成日話我冇時間觀念...唉~
差唔多1:00先走...之後番到屋企就好悶喇......好多功課呀,唔想做....
5:30睇<<玻璃面具>>...好睇呀...北島真夜同姬川亞弓好勁呀...
之後又冇野做喇...好想出街呀,但係又驚亞媽唔比...為有全日係度對住部電腦lo....
今晚原來有人黎屋企食海鮮...我都唔知有幾多人黎...