我尋日冇返學,

因為半夜約三點左右肚痛醒左.....去廁所;

到天朦光已疴左四次,

食埋止痛藥都冇效,

其間仲嘔左一次潻,

腳都軟晒,

又標冷汗,

好辛苦啊!!

成晚冇瞓......散晒

於是就請病假喇!!

我大覺瞓到10點幾先起床,

冇肚痛咪畫下畫or睇下電視,

好快又天黑lu

晚上,

表弟打電話同我傾偈,

聽到佢把BB聲,

好可愛........唔記得晒尋晚d辛苦la....

今日返學,

老師叫我地成班執齊晒所有野,

要調去另一個課室上課,

話全日都唔會返自己課室喇,

因為要大消毒喎,

仲全校淨係我嗰班係咁!!

又叫我地最好戴口罩返學tim!!

諗諗下.....喱排d流感咁勁,

唔通學校接到消息知有人中左招!!!My God!!!!!

我其中一個班主任大肚,

原本佢返埋今日先放產假,

but last week 佢已經生左,

唔知係咪佢個baby醒目,

等Miss 早d在家坐月,

避開學校這個危險地帶呢!!

我知道有小學已停課,

我地要返埋20號先放復活節假,

希望我地個個都身體健康la.

明天開始記得要日日戴口罩返學喇.....