今日起身喉嚨好痛呀!!唔知係ma傷風~~

番學個陣時攞住一大袋野~~因為今日音樂學會聯歡~~

第一堂音樂堂~~考完啦~~32分~~

第二三堂中文~個實習miss好煩~~

但係我地玩足兩堂~~^w^我地呢班有人話想整個歡送會歡送miss~~

但我唔想整~~因為個miss教得唔係好好~~而且我近排冇咩錢錢~

小息即刻落左去買水~~之後去一樓搵呀恩佢地~~

第四堂英文堂~~要人作文~~但唔知點作好~~

之後個兩堂電腦堂~~一堂訓覺一堂發呆~~

lunch當完值食完野就去圖書館坐陣睇下書~~

差唔多時間番班房玩UNO~~俾呀SIR鬧~~

之後個兩堂數學堂做數~~OK啦~~

不過大多數攞黎做英文作文~~小鄺佢話唔交放學唔淮走~

放學啦~~呀SIR番左我地一陣講我地~~

我已經唔耐煩架啦~~之後個死小鄺又唔俾我走住~~

我明明已經做哂D作文架啦~~又唔俾我走~~

好趕時間架~~到左3點50分先走得~~

好快咁落到去音樂室~~D人已經開始緊~~

抽完獎之後就大食會啦~~好滿足~~

因為我抽到大獎~~一個好靚既大口仔相架~~

玻璃制品~~聯歡完左就去漫畫店還書~~

之後去左KFC見工~~佢俾左張表我~~

但係我好多野都冇帶~~所以遲D先交~~

番到屋企食完飯就食藥~~聽日要測物理啦~~

都未溫過~~>.<