今日...

如常咁出門口返學...

突然俾我見到1隻狗仔...

1隻年紀小小既西施狗...

1隻我1眼望落去好面善既狗仔...

(我估佢係我平日見到既果個人養既其中1隻狗仔)

陪迴係的士站附近周圍行...

似係度搵野食...

心諗:

佢主人呢?!

唔係又1次俾我見到被人遺棄既狗呀?!

我觀察左1陣...

佢好似係度等緊佢主人咁...

個樣好可憐...

之後我即刻打俾我妹...

叫佢過黎睇睇...

之後我地仲諗住可以抱佢返屋企再作打算...

我叫我妹返左屋企拎d狗糧引下佢...

因為佢果下好驚人...

唔俾我地接近...

結果...狗糧佢好接受...

用好快既速度食完...

但係都唔肯俾我地行近...

不時回頭望望我地...

之後越行越快...越行越遠...

唔見左..."

之後我地留左電話俾1個係果度做清潔既阿e...

佢話隻狗仔已經出現左兩三日...

話問我地係咪想收養佢...

仲話如果見到佢就打俾我地...

好好心地既人...^^

之後我地唯有走...我返工...我妹返家...

之後我妹格左陣又返返去睇下...

點知隻狗仔竟然又返返去原來既位置...

我相信佢係等緊主人...

感動既事發生喇...

我妹見到有個男人帶住1隻差不多樣貌既狗仔係度好似搵緊野咁...

之後我妹過去問佢...

佢話佢係度搵緊佢唔見左既狗仔...

原來真係佢呀...隻狗真係我平日見到既果個男人養架!

之後我妹係離遠既地方見到果隻係街陪迴既狗仔...

原本隻狗仔冇見到個主人...

之後個主人大聲同隻狗仔講 :

"喂...你去邊呀? "

之後隻狗仔1聽到佢最熟識既果把聲...

1望...就用9秒9都唔洗既速度跑過去...

仲不停跳高...想佢主人抱...開心到不得了...

果下真係好似電影情節1樣...

果1刻...非常感動...!!!

佢終於返返去主人身邊...

結束左呢兩三日既流浪生活...

佢主人即刻抱起佢...

另1隻狗仔見返自己既同伴...

都非常開心..之後佢主人放佢落地...

兩隻狗仔即刻係主人腳邊圍圈跑...

之後佢地就1齊跑住咁返屋企...

好感動...

即使我唔係親眼目睹果1刻...

但係我個心真係好開心...

好替隻狗仔同埋佢主人開心...

冇野開心得過咁既結果...

個男人同我妹講...

佢隻狗仔係係元朗走失...

佢竟然由元朗自己走返黎屯門...

仲日日係返平時佢主人帶佢地出黎會經過既果個地方等...

佢主人話只係同佢行過1次係屯門行去元朗...

佢竟然識得路行返黎...

狗...真係好忠心...好有性...!!

我越諗越感動...真係想喊出黎...

今日...2009年10月23日...

真係1個好值得記住既1日...

好感動...

我永遠唔會忘記