今日8點幾同琳行去明愛, 原先話9點鐘走人, 點知10點左右先走 (因為要等一男一女)..
搭地鐵去到東涌, 再搭巴士去貝澳營地附近, 偷偷同個女仔轉左組 (我之前咪講過我同琳唔同組既~ 宜家同嚕A_A)
去到冇幾耐就食午餐, 午餐就係一個好大的提子包= =, 我同琳Share 1個麵包, 因為我地都唔食入面D餡, 剩係食麵包皮-V-..
食完野之後學起營, 1個細D+1個大D既, 因為有1個女仔冇黎, 所以細D個個訓4個人, 大D個個訓5個人A_A..
我同琳都訓大D個個, 但係呢泥土好硬+凹凸不平, 所以訓落去係好唔舒服- -..
之後要去玩水上活動, 我同琳去廁所整水彈, 唔識綁結真係好煩 (好似我咁, 唔識綁氣球個個結>W<)
營區離個廁所超遠, 要攞40個水彈番去, 行到想死 (OMG~)..
整得黎都開始玩遊戲嚕~ 最正係可以落水>V<, 不過D水好鹹呀~ 我地成咋人主要玩2個大大個既浮床-V-
原先可以比賽架, 點知我突發性抽筋, 冇得玩q_q, 點知到決賽個陣時再抽多次 (無奈囉~)
我抽左冇幾耐到琳抽= =, 抽筋原來可以傳染俾人架xD' @_@
之後就可以自由活動嚕A_A, 我同琳坐係張細細地既浮床上面, 狂翻艇-3-, 超爽<33
之後某男 (我地叫佢Lady先生) 搶左我地張浮床, 所以3條友係度搶浮床+潑水= =..
玩到太陽伯伯落山之後去洗身, Then就要自己煮晚餐 (仲要用明火煮- -!)..
煮完飯+牛排+娃娃菜雜丸湯+雞翼, 已經10點幾啦 (好彩我唔係好肚餓-V-)..
MONKEY (一齊煮野食既男仔) 食完野之後仲獨食10幾隻雞翼 (佩服佩服, 我望到都想嘔囉)
可能係因為我地煮野食煮得超慢, 所以取消左個夜行 (恨~)
成咋係度HEA, 一點幾既時候成班人係出邊玩+睇星 (我見到牛郎星同織女星呀), 之後我就被周公拉去訓覺- -!
到2點幾被人嗌醒, 到3點幾自己起身, 好多人都訓哂, 除左同我+琳訓個3個女仔..
之後佢地入埋黎訓, 我同琳就出去HEA , 聽天文台話5:54分係日出, 所以諗住睇..
點知我一訓就訓到6:30, 睇唔到日出, 不過琳話D雲遮住哂個太陽, 所以佢都睇唔到WO..
[第1日既夏令營-完]
| 
