首先就搭纜車上番山,, 原本讌讌想自己一個人坐,, 但係我地逼藍田人同佢坐,, 藍田人真係行上去囉,,

成班人係度笑,, 之後讌讌即刻落車,, 唉,, 我差d影到架啦,, 不過讌讌最後都係同左幾個女仔坐,,

我同鎧宜+小彤坐,, 我地同孔子後人相隔幾架纜車,, 但係我地仲聽到佢把聲囉,, 之後成班人kai哂,, 係度大嗌- -,,

落左纜車之後又分左兩批,, 小歐個批唔知去邊,, 我地好鬼多人個批就去玩飛天千秋先,, 次次玩呢個都好爽,,

跟住我地就去玩鬼屋,, 因為夜晚應該會幾多人下,,

我地係第一批玩東瀛凶舍,, 當時仲未入得場住,, 而且天都未黑,, 我地要一個男仔行最頭,, 冇個自願- -,,

之後擾攘左一陣之後,, 藍田人自願做最頭,, 而Yuki+Eric+黃仔就行最尾(光澤同孔子後人好似5係度),,

我拖住讌讌隻手,, 完全合埋哂兩隻眼,, 入到去聽到前面d女仔係度嗌, 所以我又跟住嗌@.@,,

讌讌行得超快,, 搞到我5小心撞到條木柱,, 又差d扑低,, 玩完之後後面個3條友係度笑,, 仲走上前嚇小彤,, 小彤真係嚇親wo,,

十三號差館係海盜船附近,, 所以就玩海盜船壯下膽,, 我同讌讌+鎧宜+小彤一齊坐最中間,, 而Amber+Yuki+Eric就坐最後個行,,

平時我玩呢個會合埋隻眼架,, 今次終於開眼玩, 呼,, 不過玩完之後有d暈暈地,,

壯完膽之後就去十三號差館玩,, 又係唔駛排隊wo,, 藍田人又被逼行最前,, 前面d女仔真係嗌得好鬼大聲,, 搞到我又嗌- -,,

聽網上d人話你攞住個八卦佢就5會嚇你,, 講大話既,, 我全程按住八卦鏡個個制,, 佢都仲嚇我,, 有隻得仲係我耳邊取氣囉= =,,

又唔小心撞條柱,, 好彩今次呢個係軟既,, 所以冇乜野,, 玩完之後我地d頭髮亂哂,, 而我開始眼訓啦,, 狂打呵欠,,

跟住我同Amber+藍田人去玩跳樓機,, 上到去仍然好後悔,, 衝落黎個刻忍不住嗌左一聲, 今次既離心力好似多左,,

玩完之後醒番哂,, 就去搵其他人,, 原來佢地去左玩滑浪飛船,, 玩到成身濕哂,, 但係我覺得好鬼正A_A,,

小歐同Amber去玩太空摩天輪既時候,, 我地就聽咩怪談直播室,, 個兩個主持人係度玩藍田人,, 最後就成咋影張相作紀念-v-,,

之後去玩越礦飛車,, 咁岩見到光澤,, 光澤話Yuki同Eric玩緊越礦飛車,, 打電話俾Yuki,, Yuki竟然話佢玩緊越礦飛車囉,,

成班人O哂嘴,, 原來Yuki架車停左係附近(5識講,, 自己去玩啦),, 跟住到我地8個人玩,, 其中幾個都係第1次玩(包括我~),,

我同讌讌坐,, 當就黎衝落去既時候ok驚,, 衝落去既時候如果摀低身既話就冇咁恐怖, 不過隻手會撞到囉,,

玩完之後覺得唔夠過癮,, 所以玩多次,, 玩完第2次之後仲想玩多第3次添,, 不過為左冇玩個d人就放棄唔玩lu,,

成班人諗住跟指示行去冥通中心,, 點知要經過一條非常陰森既路,, 我同思思+Jessie都唔敢行,, 仲有個打扮到好似埃及既鬼向我地呢邊衝過黎,,

我地驚到上左電動樓梯,, 個個埃及鬼都上左- -,, 跟住又落番去,, 咁岩Amber又上黎,, 搭左勁多次呢兩條樓梯- -..

小歐同幾個男仔番黎搵我地,, 原來條路好鬼短囉,, 行到去冥通中心搵番讌讌佢地,, 見到讌讌食緊野,, 就問佢食乜,, 跟住就跟佢買左個魷魚食,,

讌讌個四個女仔+藍田人去睇show,, 而我地同個度d鬼玩左一陣之後,, 就猶豫緊去唔去玩冥通中心,, 

因為冥通中心好多人,, 隔離既鬼域雖然冇咁多人,, 但係聽我家姐話最恐怖係佢,, 最後決定排隊玩冥通中心,,

等左都5算好耐既,, 因為我地無聊到玩true or false,, 孔子後人問Jessie我地班最靚仔係邊個,, Jessie話最樣衰既係胡卓man,, 答左等於冇答- -,,

Amber問我Yuki鐘意邊個女仔,, 我話唔答,, 因為我怕俾個個女仔殺死,, 而且Yuki亦冇爆我鐘意過邊幾個男仔,,

孔子後人爆料,, 原來光潭應該成班最靚女既係,, 哈哈,, 賣個關子唔講,, 不過我地狂用呢單野玩佢-v-,,

入去玩lu,, 我今次拖住Amber,, 而小歐就拖住我,, 之後唔知點解跑黎跑去,, 後面好似有人追住我地- -,,

出到黎見到小丑,, 原來黃仔驚小丑架wo,, 我地其他人就同佢係度跳舞,, 超high,,

跟住去纜車站同讌讌佢地集合,, 成班人落山,, 我同讌讌坐,, 我地都high哂,, 係度同人say hello,,

落到山又搭海洋列車上山,, 跟住又搭番汴咩列車落山- -,, 雖然好鬼無聊,, 但係比搭纜車快d,,

落到黎緊係要玩鬼屋架啦,, 我地就去玩高街鬼屋,,我卵今次有拖住小歐,, 有小小開眼,, 都ok恐怖架,,

又猶豫左好耐,, 唔知玩5玩魔大好,, 因為我家姐話ok恐怖,, Yuki同黃仔淆底,, 讌讌個班人早就5知去左邊到,,

得番我同小歐+樂兒+藍田人+孔子後人玩,, 我地前面有1對情侶行最前,, 所以我地叫藍田人行最尾,,

入中間個個門口(有3個門口架),, 聽件東東講野,, 最後冇啦啦嘭左一聲,, 嚇親我添- -,,

行最尾的藍田人被人捉左去第二間房,, 所以孔子後人+樂兒行最尾,, 我同小歐行中間,,

不過我想講呢個一d都唔恐怖囉,, 得幾個人冇啦啦[哇!],, 都冇其他野嚇我囉,, 最後我地係左邊門口出,, 藍田人係右邊門口出,, 佢話佢一d都5驚wo,,

玩完呢個之後已經11點20分啦,, 所以就一齊走人,, 成身都攰哂,, 因為連續18個鐘頭不停咁行- -,,

地鐵冇得坐,, 挨到深水埗先有位坐,, 我同Jessie係度傾計,,

成班人話去食宵夜,, 點知越走越多,, 最後仲話唔食囉,, 早講啦- -,, 如果5係我搭到巴士架啦,,

截左勁耐的士先截到,, 番到屋企仲要俾阿媽黑囉,, 跟住沖涼+食杯麵,, 話說我成日剩係食左小小麵包+薯條+魷魚囉,,