今日唔係好想訓...所以10點幾左右就起左身啦~~

起身起到行黎行去，起到玩狗，玩玩下我就去左食早餐，

食埋早餐...起到玩電腦，玩玩下覺得上網速度減慢..so..打去和記問問

之後佢話我個網絡好唔正常，所以聽日2點至4點有人上黎整，

之後2點幾左右，就起到玩facebook，同人傾下計，

3點左右，去左洗手間洗頭，洗好頭，即換好制服，

拎camp袋出門口...之後以為自己冇帶相機，又上反屋企

睇下屋企又唔見喎，之後睇反個camp袋，點知我一早放左落去了

之後我就行落去巴士站等，咁岩又走左一班車，起到等等等...

等死了~~之後我坐車既時候又塞車，唉...哂時間...

之後落車後，就衝上去，但可能因為唔慣拎著個Camp袋關係，

所以有小小腳軟...之後都唔理，繼續急步行，行到去善德隔離既樓梯到

見到一個我唔想見既人...咁只好咩都睇唔到，返到去，行入小小

見到小肥一個坐起到

我就問佢:點解唔見哂班人既?

Miss Ng:小霆，你地今日係未帶d新童軍買童軍野?

小霆:係丫，無錯丫，今日放學4點鐘就集合一齊去囉

Miss Ng:唔得丫，因為呢就黎考試啦，所以我想佢地留抵補數學，咁我就去問過區sir，係未今日一定要買童軍d野架?

區sir(回應Miss Ng: Um...Um...um...唔係丫，唔係架。

Miss Ng:下次先帶啦

小霆:好丫，下次丫。

(上星期六，佢指定埋我好好睇著班新人，出去買齊制服用品)

聽完呢一段說話後，我可以比咩反應佢呢?上星期六...起我同小肥面前應承左比我地帶班人出去，

佢依家一句話唔係丫，唔係 就搞到我呢個舊生白行返黎，我想問你個良心趺左落屎坑呀?出爾反爾既阿sir

有冇搞錯呀。

之後我，小肥，阿蕭，薯仔細妹一齊去到總會買野，

去到總會都4點幾lu，之後小肥起到買教練員既野，

我又要買長褲，又買左個袋同腰帶，買左地席，

冇左200幾蚊...嗚嗚!!唉..窮死啦!!之後就去左9樓睇野

無耐見到David sir之後就去反港鐵站

坐港鐵返去葵芳，之後我同小肥，阿蕭行左一陣

就去左吉野家食飯，食到7點幾...無端端見到我家姐喎

真係好奇lu~~家姐好靚丫。之後我地3個起到問有咩搞好，

我發動左去睇戲，之後我地三個都去睇戲，

叛逆諜戰 7點50分睇到9點40幾分 真係好睇...第一次著制服去睇戲

之後10點幾行多左一陣，就坐車返屋企lu..

返到屋企就起到玩電腦...