今日去左機場相

其實係因為呀爸今日又番香港, 順便去接下機咁

每次去機場既時候, 唔係太早就太夜

同埋都係去客運大樓果邊

今次就去左個平時唔會去既地方

就係跑道最尾既維修區

果到好舒服, 有一望無際既海, 又睇到好頻密既飛機升降

天氣好好, 好適合影相

一個人慢慢行都幾享受

不過遲左去

呀爸架機 Land 左我都未番到去客運大樓

因為要行好長好長既路去巴士站

每班車相隔成廿分鐘, 又要轉車

烈日當空下成個傻仔咁沿住海邊係咁跑

點知發生意外

一落車就衝入客運大樓,

而果到有條斜路通落離境大堂

一個失重心, 成個人向前仆, 滑行左幾米

應該都幾觸目 - -

都未去到閘口已經見到呀爸出左黎, haha

仆一仆, 搞到件衫穿左, 雙腳雙手都擦傷晒, 好彩冇撼穿頭