香港既施政真係愈黎愈離譜
根本成個政府都係等退休狀態
上年對五區公投感受幾深
不過未夠歲數投票
今年政府竟然推出荒謬既替補方案
仲將泛民議員踩低
今次睇到呢單新聞, 心裏面真係好嬲
一來係嬲林瑞麟將一句句歪理講成道理
二來係嬲政府為左打壓泛民
可以將民意, 選民既權利, 尊嚴置之不理
首先唔好講替補既內容
政府關門傾左二十日, 就想立會通過你？
從來冇做公開諮詢, 你同我講有民意支持？
一個被稱為自由社會既政府, 竟然可以將投票結果歪曲
唔通冇投票選特首既人, 就唔支持特首既存在？
再講講方案
竟然可以將落選既人補上議席
即係將一個得唔到普遍選民支持既人放落立會做代表
真係好笑
仲要保證唔到原來立法會, 唔同黨派既分佈
見到一個咁既政府
到宜加仲堅持唔作公開諮詢
又漠視權威既法律組織既意見
有嘜理由唔表達自己意見, 為自己爭取利益？
一個對香港有歸屬感既人, 都應該識得諗
足夠民意支持？
今年七一, 第一次上街
| 
