七月一號, 去左遊行
有兩個 fd 一齊去
之前話會去既大部分都冇去到
不過呢 d 又一定要自發性嘅
準時去到維園
d 人多到迫爆幾個球場
主要以唔同政黨 / 組織分區
3 點鍾遊行開始
民陣就開始講野, 嗌口號, 唱歌等等
因為人太多,
單係由球場行出維園就已經用左差唔多 1 個鍾
沿途都舉住「反替補」既牌
身邊有好多人都好嬲, 大嗌口號
又有好多人收埋自己既憤怒, 好平靜咁行
期間民主黨不斷比人圍攻
有人唱歌串佢, 首歌其實幾正
行左 3 個鍾, 都只係行左路線既一部分
基本上每行 10 秒就停 10 分鐘
未行到去政府總部就走左, 但係已經好攰
下年希望有恆心 d 行到終點
行完成個路線既人好有毅力
一生人第一次上街遊行
感覺真係幾好
見到有好多人為自己為香港既利益而行出黎
而唔係不問政事, 以為事不關己咁
一 d 人連「五區公投」, 「政改方案」都唔知係嘜, 都幾嬲下
係維園所有人一齊唱海闊天空時
諗起曾蔭權林公公...對住鏡頭講既歪理
心裏面有 d 激動, 可能有 d 誇張, 不過係真
今次遊行主要係因為替補方案
自己離做選民既日子愈黎愈近
所以感受都幾深
加上政府完全冇尊重過民意
點可以唔表達下自己既不滿
政黨背景, 自己暫時未有
都唔係咁重要
我覺得呢個係個好重大既決定
自己都可能未夠認識去判斷
不過一向都支持社民連
宜加就偏移左個重心去人民力量呢個組織
遊行時聽到一個民主黨既呀伯話「七一遊行應該一致對外」
我都覺得幾岩, 但係民主黨出賣民主都係事實
有功能組別既黨員又係事實
今次遊行睇到好多好多野
係學校同一個唔識教既老師上通識
不如行出黎望多 d 野
有句野講得好岩,
香港係有希望, 只係香港政府冇希望
| 
