生日當然要寫番篇 blog

講番琴日, 夜晚 9 點半發現我床上有份禮物

原來朋友們係我未番屋企前送左上我屋企 ~~~

 

今日 F.5, 7 班演

係禮堂搞真係 ...

d 音響同視訊好差

好彩我坐好前, 唔係真係咩都聽唔到

好多 陳奕迅既歌, 唔錯

d 片其實好多都做得幾好

不過係禮堂搞個 feel 就真係差好遠

 

最好睇就係 band show

我覺得 4 個都玩得幾好

不過有件事真係有 d 火

鼓手明明開始左

結他手都開始搞台下氣氛

全場拍手既時候 尤太竟然 stop 左佢地

介紹一位校友

人地都開始左可唔可以玩完先介紹?

另外禮堂兩邊既喇叭 ...

聽落好嘈, 唔係太分得開 d 結他聲 

d mic 唔好講質素, 收唔收到音都成問題 

 

放學後跟 miss mak 走

佢個仔真可愛 ~~

之後同 fd 上左屋企

玩呢個好無聊的禮物, 氣墊球 ~

晚上去了 元朗

遇到 布太 ~~~

_______________________________________________________________________________________

 
 

 很久冇打blog ~

 

PE 堂竟然要學野

愕然地要學倒立

好玩就好玩,

不過對我黎講一d都唔易 ~

冇左一堂打波

熱得要命

不過打羽毛波太爽

仲要入左批新球拍

 

lunch 好慳, 用左 19 蚊 only

 

OLC 又係 尤太講影相,

即係真心想學影相都唔會聽尤太講啦,

一舊舊又唔清唔楚,

幾乎冇教過野,

仲話影風景相個光圈冇特別, 細光圈影風景都唔講,

自己買書睇, 上網睇, 加埋實習仲好

 

放學去左 interview -_-

then 做左陣功課, 

睇人打排波, 

排波人氣勢很勁 ~~

Lily 仔好西利 !

d 人玩 sports 好開心, 我都想係一份子 ~

_________________________________________

又去番之前個情況同感覺

點解我份人永遠都係咁 ... - -

琴日同部分行社佬去左我屋企玩

都玩得幾攰下, 仲要學結他 afterwards

_________________________________

今天就去左 唱K

可能 weekend 既關係,

只係唱到 2 點 45

唱「最佳損友」果時隻眼都濕濕地 

可能後面成班人一齊搭住博頭咁唱

(我永遠覺得一班人開開心心咁唱歌係好感人既場面)

加上首歌既詞,

令我諗起我同一班 fd 既野 (可能係我諗多左)

點都好啦

唱到尾聲個個都癲晒

勁嗌, 「這晚, 這晚會暖到爆炸....」 hoho

 

九月廿一､廿二號, 係我地籌備左成個月既陸運會

仲未開學時, 我地已經開始社報既工作,

而開左學既每一日, 我地都不停咁工作,

雖然番到屋企都攰到不得了, 不過每次都會諗番起果日發生過既趣事

(唔少都係發生在社長身上)

隨住 Sports Day 既來臨, 我地都越黎越接近完成

而且因為社長都冇比過壓力我地,

所以我地係最後一個禮拜六, 仲可以由 4 點幾開始玩到夜,

我地一定係最輕鬆既社

 

終於都到左 Sports Day,

果日天氣非常之差, 全日不斷落雨

好多賽事都暫停, 社報更係無可能 display 出黎

所以我地都係看台上做啦啦隊

個個 committee 都盡情咁嗌

我呢 d 把聲完全唔起眼既都嗌, 把聲爛晒 ~

第 2 日,

好好彩, 天氣比第 1 日好得多

距離指定時間 10 點半仲有好長好長時間, 我地已經將成個社報完成

今年多左個「歡樂跑」

的確幾歡樂, 影左好多相, 好開心

繼續啦啦隊

其實好多 f. 1 都冇盡力嗌

即使諗左個「行社精神」新 slogan 都唔得

加上位置係邊根同冇用水樽

不過雖然冇獎攞, 

但係我地每一位都玩得好開心, 好投入, 

都係果句,  如果有「最佳啦啦Committee獎」, 非我地莫屬

行社齊心, 橫揮千軍, 行社健兒心連心, 團結一致攞冠軍！

我地失去左兩日既靚聲, 換來一張張表情､動作多多既相, 係超難忘既回憶

直到宜加都回味無窮

 

我唔係做得最好既一個, 但我都好慶幸可以同你地做野

行社真係一個好和諧既 family

老實講, 你地真係好 friendly,

我會記住「行社佬」呢個名

我唔會忘記 2010 年既 Sports Day

我亦會大大聲咁同人講, 我係 2010 年行社既副社長！

HUNG HOUSE'S THE BEST!

 

 

 

今日又兩堂 LS, 悶悶悶

不過對個通識考試驚驚地

 

Assembly 首先講 Sports

其實我真係唔知點解我會無興趣睇波

之後就係社就職

社長 Lily 真係好好好笑

只係望倒佢就好想笑

佢講 Hungrygry 果下真係呢 ...

最後叫 slogan 好好笑

 

lunch 去了 甘味

after luch Econ x 2

真係完全頂唔順

咁岩分左心, 之後就訓著埋

haha

不過 麥燕霞都冇罰人

 

之後 junior form assembly 即刻醒晒

不過 ms mak 唔肯放人 ~

最後社長黎救我地, ho

haha 好多人笑,, 反應好好

 

放學繼續社佈

___________________________________________________

好多野諗好多野諗

今朝一早又去左做運動 yoyo

 lunch

 dinner, 10月都未到就有火鍋食

btw, 食飯果時, 聽倒隔黎枱個小朋友播緊 aaA

 

今朝又係番去做社佈 ~

不停咁落雨

行社做社佈真係充滿歡樂 ~~~

社長太幽默喇 haha

係禮堂真係笑死

 呢個禮拜成日飲呢d野

 社長請飲野

 yoyo