今日雖然得一樣野要默－中文默書,但係都溫到我死下死下......

中文默書除左要默課文之外,仲要默問答同詞語!!!(真係慘到冇人有)

老師讀下個又一個,好似好快咁,但對於我地呢啲默緊嘅人唻講,就真係幾慢啦!!!

嘩!!!幾經辛苦,終於默完啦......真係搞到我滿頭大汗!!!

唉......咁辛苦去默,希望個成績會好啦!!!(起碼對得住自己先)

今日係星期日,即係family day,所以今日我同媽咪爹D去吉之島行街!!!

今日係吉之島嘅『感謝日』,所以特別多人!!!(好迫呀)

我地行下行下,去到一間專賣阿童木物品嘅商店,我睇中左一個銀包,好想買!!!

點知媽咪唔畀,我求左佢好多次,佢都唔畀......

我唯有好失望咁離開間鋪......

今日真係失望而回......

今日除左要去田徑之外,我仲要去旅行呀!!!!(勁開心)

我地今日去蕉坑旅行!!!(其實只係獅子會自然教育中心啫,我四年級都去過啦!!!)

去o個度又要做工作紙,真係煩,去參觀下咪算囉!!!

大概十二點半我就o返到屋企啦!!!搞丟幾個鐘,就要出發去元朗啦!!!

去到,我先換左衫,然後就開始練啦!!!

嘩~今日就慘囉!!!要跑四個四百,即係總共一千六百米呀!!!

我都唔適宜跑長跑,o個個高sir仲要我跑咁多,真係冇人性o家......

今日好攰呀!!!