嘩,正呀!!!因為今日走火警呀!!!

仲要係第二堂走先正呀!!!因為o個堂係英文堂呀!!!

鈴鈴鈴......火警鐘聲響啦!!!個個都一窩蜂衝出課室,驚死會變成燒豬咁,哈哈哈!!!

我地總共用左六分三十秒完成,比曹sir嘅指定時間仲多左一分鐘,搞到佢呢......哈哈哈!!!

不過開心左一陣,去到科學堂就畀陳sir鬧仲要罰抄,仲要係學生手冊嘅學生規則,仲要抄兩次!!!

唉......

今日我地班要派兩份卷,第一份係中文小測,第二份係數學小測。

中文我都唔係好驚,因為份卷都比較淺,好彩,都如我所願,係四十五分!!!

不過數學就......慘啦......因為份卷我起碼冇左十二分......

點解?因為最後o個頁全部都唔識......

好彩嘅係,我都合格......有三十八分......

返到屋企,我話畀媽咪聽,我諗住佢鬧我嘅,點知又唔係,真係好彩!!!

唉......但願下次成績會好啲~~~

我今日o係屋企打完機之後,就同daddy&媽咪去吉之島行街街lu!!!

我地去到之後,先去bossnin買衫衫,我同媽咪左試試右試試左好耐,

終於找到一件啱我地嘅衫,我買左件橙色嘅風褸,媽咪就買左條黑色嘅褲!!!

不過daddy就慘啲啦,因為佢咩都冇到,哈哈哈~~~

跟住我地去左大家樂食一哥火鍋,yummy~

然後我地去左冒險樂園玩左十個金幣,跟住就返屋企啦!!!