今日一出門口就要返轉頭拎返把雨傘........不過就冇食西餅~

lunch既時候就同yuki去左麥記食野~因為我趕時間~~

因為今日我請左下午假返沙田水記呀~一係因為老公佢買左6:20分既飛睇戲~而我又驚佢走唔到~

所以就等佢收工~二係我整左朱古力想請大家食~~

返水記之前我就約左啟超去食甜品~仲講左好多野~之後我地就一齊返去水記~因為我把雨傘借左比yuki~

而佢就返去拎車~上到去就放左d野向老公度~有些人都問我仲咩咁遲黎~早d上去逗利是嘛~~

其實....我就係唔想逗呀~~我會唔好意思.......不過今日都收左幾封.......

之後就等到6點就同老公一齊走~睇完<<慕尼黑>>之後都已經9點了~~肚餓得很......

之後我地就去左食飯~~食完就去左city super行左一陣~

其實....情人節....我地應該係去睇d浪漫既戲.........不過冇所謂啦~老公鐘意睇~^^

今日點都係睇唔岩戒指呀~所以情人節禮物...我要遲d先有啦~~

不過今日真係見到好多人有花呀~~有d心思思都想收.....不過........另一方面又覺得唔係好值.....

因為情人節既花....一定好貴.....而且唔實際呀~~返到屋企.....唉.....真係全日最唔好既時刻呀~~~

因為我亞媽又話同老公點點點咁....終於......搞到我都忍唔住同亞媽講.......

公開左又要話我~唔講佢又話我~幾時都想估我d野~講同唔講都係冇分別~

咁不如我以後咩都唔同你講好了~~反正我講咩都佢唔係好信~只會話我幫住老公~錫住個老公.....

由公開關係之後開始...佢都冇放過任何話我既機會.....