今朝被亞媽同老豆佢地既談話聲嘈醒左~不過算啦~都訓夠啦~~

之後就自己整早餐~其他人醒晒既時候~我就問亞媽今日有咩節目.....

佢就話地尖咀既凱怡酒店"掃貨"......原因係果間野結業.......

對我黎講係好悶既事.....亦唔想去~更加想既係.....去見老公~

之後我好快話我今晚唔返去食飯~3點就出門約左老公去又一城.....

點知......佢有事....搞到我等左佢成1個鐘呀~~我地會合左之後~

就去搵一間店舖~目的就係買有關貓既野比佢家姐作為上次既謝禮~最後都搵到~買左隻公仔~

由於佢家姐有事外出~所以我地再向麥記留左一陣~再搭地鐵去青衣~

向青衣城行左多耐~終於都等到佢家姐同姐夫黎啦~~

之後我地再一齊去食飯先再去佢地屋企~去佢家姐度既目的.....都係老公佢要去拎野~

食飯期間佢地兩姐弟仲講起好多兒時既笑話, 頑皮事~

去到佢家姐屋企時, 我嘗試去接觸吱吱~(家裡既貓)

因為我都好希望第日老公可以養自己鐘意既寵物~如果我唔驚佢就會好開心架啦~

到最後....結果我係....唔驚貓啦~~亦都冇敏感~真係太好啦~~

佢家姐同姐夫都好nice~同老公一齊既感覺係十分幸福~

我雖然係家中既細女~不過講心一句.....呢次係我感覺到家既溫暖~家既感覺......