今日天氣雖然都可以話ok~而且本來一切都好好~~

不過.......就係向收工.....等完老公之後......一切.....就唔完美啦~~

原本今日一切都好好~仲打算收工會合左老公之後就去取戒指.........

點知....老公因為公司仲有野做~所以就得返我自己一個人行住街等佢~

我都冇叫老公快d~因為都知佢好多野做~~

不過....就係因為要幫我拎d魚仔.....搞到今日....咩都唔完美啦~~~

d魚仔我都係拎比d同事咋~~就係為左呢d少事....搞到我地今晚就好似陌路人一樣.......

佢收左工知道唔記得拎魚就返上去拎~點知公司又鎖左門...搞到佢要按密碼入去拎~~

之後我都趕去佢公司樓下啦~~不過佢已經覺得d魚好煩~算係叫比d魚激親啦~~

我見佢唔多想講野~都唔出聲~因為佢講過只要比佢冷靜一下就會冇事~~

點知...佢既冷靜.....令我地今晚就好似陌路人一樣~冇交談~冇拖手.......咩都冇~

只係送左我返黎......戒指就唔洗講啦~冇去拎....就係因為d魚仔......

佢送完我佢就好快走左~~我去信箱拎完信之後.....見到個垃圾桶...當時真係好想唔要d魚仔.....

比起以前我會唔聽男友既電話~由得佢打黎~我其實今日都有想過~不過最後都冇咁做......

佢都可以話係.....最影響到我既一個啦~~~

最令我心痛係佢見我唔開心~以為激嬲我~去打自己呀~~又話唔完美~~

其實好多時都有好多野唔完美架~~不過都唔可以打自己~你用其他方法去發洩都可以~

就係唔可以打自己!!!!!