今日係我生日~亦都係我亞哥既生日~(龍鳳胎嘛~~)

一到左12點~真係好開心~好多朋友向icq同我講生日快樂~

不過就一直等老公既電話.......唔知係咪佢知道遲左打黎~所以....

一打黎咩都冇講就唱左生日歌比我聽~~佢做幾細微既事~我都會好開心~好感動~哈哈~

今日一返到公司, 文仔冇返~只係放左份禮物同一張環保紙寫既野向我既櫃入面.....

而且仲誤會左我既意思~因為我昨日係同佢講~我前幾排先買左個手袋....佢就誤會係買左個同款既手袋.......

當我打比佢想問佢係咪唔黎食飯~同多謝佢份禮物時......佢飛左線返公司.......

呢個人可以到依家為止.....我識得最cheap既其中一位~~佢唔黎都至少通知一聲吧.......

一日之間.....就有晒開心, 感動, 同煩..仲有無奈......都唔知講咩好...

明天起我會同yuki一齊唔理佢~上次yuki生日佢又係咁~今次又係.......我同yuki都話~

好彩冇選擇佢咋~~如果唔係...肯定好快bye~bye~~lunch就同yuki同埋另一位女同事食~

原本老公話收左工打比我~點知等唔到~就打返比佢....點知.....佢仲未收工~~

明明放半日......依家就比人捉住左做野~~好彩佢都趕得到黎接我收工~~

今日下午又食左西餅.......我果team人仲出完site返黎買左個蛋糕黎同我慶祝~~

搞到我幾唔好意思~~不過亦都未試過成team人同我慶祝~好開心~萬分感謝!!!

收左工就同老公去左觀塘地鐵站等佢家姐~~之後又再到又一城~

買完要買既東西~就去青衣城食野~~又係要等........第一次去食阿拉廚房~~

食完之後已經差唔多10點.......再上佢家姐屋企拎野.......差唔多11點就走啦~~老公仲送到我入屋~

同我亞媽講左佢家姐比左d手袋同鞋我~老公走左之後......一件令人好煩既事又黎啦~~~~

亞媽對我經常見到老公既屋企人而感到極不滿~仲講返當年姨丈既事~~

怕老公係一個重男家果邊既人~咩都要以男家為先~~女家既可以不理~~

老實講我一早都預左亞媽會講呢d話~~因為我同老公既屋企人食過飯~~

團年飯都食過~至於......公開左之後.....老公都未有黎過我家食飯~~

我明白老公想點.....亦都明亞媽想點......而我亦都冇忘記......我個名既來歷......係要我重視"家"庭~~唉~~~