|
今日一早好無聊咁睇左d朋友既blog,佢地有d都寫得好多, 有d就同我一樣廢左個blog咁.....其實我都唔想.......每天其實都係一樣返工收工, 當然會有事發生啦~~不過返到屋企時間都唔係太多, 我好快就要開返學啦~~14號就要上第一堂......今次真係要十分認真啦~~因為要考試架~~~>.<" 雖然我知老公會支持我~不過我都仲係好擔心.......錢係一方面啦~其次就係我既能力啦~~~
講下冇寫日記既日子我做過d咩啦.........同老公仔都已經踏入第3年啦~雖然都冇咩點慶祝.....不過都好滿意, 話晒我地兩個都唔係好多錢......不過講真.....老公仔既驚喜又真係冇咩點進步~~=.=" 而我亦都養左3隻貓仔, 唔知有冇講過呢??@@ 佢地都1歲啦~~好得意~~^^ 我最錫係隻仔, 佢係唯一比我抱抱~~>3< 其他人都唔得架~~老公仔都係間中咋~~^^ 兩隻囡我都抱唔到......一隻就係比較惡, 不過就好跟阿媽, 另外一隻就比較細膽~~不過佢就比較乖, 好少咬人架~~~
不過最近同阿媽單獨相處既時候....都真係幾怪~~因為阿媽會講一下拍拖搵男對象要點點點咁.....就好似昨日咁......阿媽又同我右埋家姐講, 如果個男方係想控制你, 大脾氣既就唔好要啦~~~第日結左婚會好辛苦架, 佢好似怕我同家姐會比老公打咁.....講真果句....其實我都擔心過, 只係我仲相信老公會改變, 至於生小朋友....我就真係唔敢去想, 以佢既脾氣個小朋友一定好慘.........其實我真係鐘意最初時候既老公仔多d.......相處耐左先發覺老公仔既脾氣......我係咪冇可能改到佢既脾氣呢??我相信機會都好微啦......=.=lll
|
