唉~今日GiGi都仲未返黎呀~~

不過佢返黎又點~~咪又係大家一齊坐~~~

都冇野賣比人啦~~成5點幾6點至開單~~仲要係星期六~(撞鬼囉....星期六都咁既生意...=.=)

連"康美x"都成8點就收工~早左成粒鐘~(佢收工又對我地不利~d人仲唔會行過黎啦~~)

老闆仲叫我唔好聽葵芳既電話~當冇開舖~(因為佢地唔比貨我地~~ )

唉~~不過真係好累呀~~就快咩貨都比我賣晒啦~~係咁叫人買大樽(香薰樽)~d大樽都係得返幾個咋~~

我已經成8日都冇休息過~~計埋聽日..就9日啦~~仲要幾日都開夜~晚晚10個半鐘~~做到想死啦~

好累好累~

今日一早都冇單開....咁我就同左啟超去左食飯~食完佢就黎左舖坐左一陣~

d生意...點都冇GiGi做得咁好~咁多....why!!!!

唉.....我一早返去水記...咁我咪冇咁辛苦囉~~~唉~~~攞黎衰..=.=

不過點都好~呢份工我都學識左唔少野~同埋....如果我冇做呢份工~又點會識得咁多人呢~

依家只要努力儲錢就得架啦~~

不過.....今日收左工...我又去左買左件3同褲啦....真係呀...

以前收左工~都話有同事或者家姐陪我買3同行街呀~~

依家.....唉~~~得自己一個~~搵人幫下眼都冇.....

今日仲同william講左好多野~包括....感情,星座.....好多好多~(幫我解下悶~XDD)

仲有阿Bell黎左搵我地呀~~ 好耐冇見佢啦~~>3<