今日係yuki既生日~

所以就冇帶飯~出左去同佢食~

原本文仔都會黎架~~點知....因為出site既關係...冇黎到~

早上7樓就有兩個人黎整d屏風~~點知....d色唔岩~所以冇得整~~

不過都係好事黎既~因為.......黎整既既其中一個人......都幾有型架~~

原本今日係向7樓做野架~~不過....9樓仲有野做~~而且....都幾急下~

所以...變左今日向9樓做野~7樓都有野做......只係唔係太急....

收左工之後就約左喵喵去沙田度shopping!!!!

好開心呀~~終於等到KinKi Kids既H album出啦~~雖然都幾貴下~

不過得返一隻.....等唔到啦~~都係買左......

一年一隻大碟.....唔係好過份姐~~~

今日又買左d衫同翼既DVD~~收獲好好~不過....銀包就.....

今日屋企好熱鬧呀~~~

因為好耐冇見既祐表哥......冇啦啦入黎食飯呀~~~

不過原來佢病左好耐啦~~睇左一次醫生就唔再睇~咁又點會好呢~~

仲要話自己就死~~~~真係比佢激死!!!

仲有一個就係細舅父啦~~佢都係黎食飯~~

我仲記得之前每次祐入黎食飯....都係通知我先架......

今次竟然.....係由我老豆話我知~我先至知咋~~

一心以為佢明天放假一定會向度訓一晚啦~

點知...佢原本想食完飯走架~~~不過都係因為睇tv~搞到留左向度訓左一晚~~

祐好似變左好多呀~~之前有咩心事都會講少少我知......

今次冇講呀~我睇得出佢係唔多開心架~~

不過就唔知咩事~~我亞媽都有問佢做野做成點架~

大舅父唔會問~咁就由我亞媽問啦~~

點知.....我只係知佢好似做野唔開心咋~~~