今日一早就起左身啦~9點幾~都算訓得幾好啦~

之後就出門去左五姑姐度食早餐~因為已經整好左~

食完後我地就放底行李~搭車去黃大仙~

果度既黃大仙....入去要收錢架~不過就比香港既細呢~~

好在我地有仙人向入面~所以就有優惠~~

真係唔講唔知....祖父母既靈位不止香港有~果度都有架~~

之後我地行去搭地鐵途中見到有個商場~不過好似未完全開放~~得第2層有間好大既書店~

呀哥仲buy左5本書~~都係關於畫畫架~

之後搭地鐵去到文講所~飲完茶之後.....今次比昨日果餐茶平好多呀~~~

食完後我地就去左文德路果度睇畫....呀哥仲buy左幅油畫呢~~

不過真係好平~35蚊咋~~由於時候關係~我地就趕住走啦~~

又搭地鐵去到廣州東站~會合左幫我地拎行李既五姑姐同姑丈之後~

就buy左6:45果班火車~入到閘佢地先走~

之後向火車上我都冇點訓到~

仲見到好好笑既野~

有個小朋友對面座左個頭髮好少既男人~個小朋友見個男人訓左向枱上面~

就走去吹個男人個頭....個男人...當然係冇反應架啦~~

不過個小朋友都幾頑皮架~~全程車都係咁周圍搞野~個呀媽又唔理~

終於返到黎香港啦~時間係9點左右~不過我都係唔見肚餓~

我就自己返左home先~老豆佢地就去左食少少野~

真係好累呢~~同朋友講左一陣電話~我就訓左lu~

昨晚仲掛緊1號風球...... (不過今朝就落左啦~~ )

今朝一早..6:00起身....(仲早過平日返工.... )

去到太子就食左早餐先~

之後8:30就上左直通車~等人齊就開車啦~~

心情又開心~又緊張呢~~~

向落馬洲過關都好快呀~

11:35就到左廣州花園酒家啦~~七叔就向果度接我地~

佢地計既時間真係好準呢~~

之後我地就去左飲茶同去左醫院探七叔公~~

我地又去左上下九街~~見太多人啦~~

而且我地又拎住d行李~又驚扒手~~

(見到有d人望住你...眼光光...)都怕怕地.....

之後我地就去左老豆佢地個舊屋睇下~

入面已經冇人住架啦~~

不過就仲有d鄰居囉~

留左一陣我地就去搭巴士去五姑姐間home食飯~

嘩~~成枱都係餸呀~~~搞到我冇食飯~~只係食左餸咋~~

不過真係好好食~~ 食完我地就去左文化公園睇花燈~

不過都唔係好令咋~睇完就去左珠江果度行下~

點知.....去到巴士站.....就見到d人又向度唔排隊咁迫上巴士....

d人仲衰到分明就打尖~又冇禮貌....我地上車時都係迫上去咋~~

我就好彩有表姐向我後面保護我~我就真係唔係好夠上面d人黎呀~~

返到去我地就直接去七叔屋企~因為我地今晚就向佢度過夜~~

五姑姐就幫我地拎d行李去~仲帶左宵夜呢~~

搞到12點幾...我就去訓lu~~