琴日大家約埋2點半到band房練歌，軒話唔知練歌，冇到

輝輝黎左，好開心可以見到佢，因為佢今日就飛，

唔知幾時先見到佢，短期內都冇得聯band夾歌...

我地夾左<殺死我的溫柔>，

勉強都算過得去，只係大家都唔熟隻歌...

輝輝要大隻自己搵返d音，正當佢好專心果陣，

鋒貪玩咁拍左佢一下，搞到大隻咬到條脷，

或者因為太痛既關係，大隻忍唔住手，

打左鋒一下...果陣大家都以為佢地係玩，

但果下真係幾重手下，大家靜晒，

鋒都呆左，之後佢走左出去，

我出左去陪左佢一陣，就返band房睇下大隻，

先知大隻只係一時衝動，好彩最後大家都冇野...

其實夾band並非一班愛音樂既人行埋一齊jam歌咁簡單，

畢竟大家係走埋一齊之前係過住唔同既生活，

有唔同既性格、喜好、風格，

雖然有共同興趣，但都需要互相遷就，

除左要表達自己之外，都要顧及隊員既感受...

希望大家會越黎越fd，可以相處得好似一家人咁