朝早同D班一班人MSN...

晏就2點幾同濠,區永...去剪頭髮...

不錯的SALON@@

區永拉直...同濠等左一陣就早走...

去左天悅買電話增值卡= ="

返屋企沖涼...換衫...4：30多D出門口...

去公主到拎相機...唔該哂公主=V=

搭VAN到地鐵站...上車唔夠5MIN落雨= ="

去到地鐵站好似落狗屎咁= =

搭地鐵到尖沙咀...成班等左好耐=0=SOR喔...

去左7-11買左把近$60既傘= ="成個銀包冇哂紙/~\出門口唔記得帶錢=0=

濠係工作人員...趕時間...所以搵左一組人走先...搭的的...

到左MARCO POLO HK...見到唔同既人...傾左好耐先入場...

D女仔變左好多= =差D唔認得...入去果陣認唔出芷青@@

坐左一陣就出去接老明...途中見到金曾...有幾秒諗緊佢係咪金曾= ="

接完老明就差唔多開始...

開始有個鬥『長』既遊戲...成組入廁所拎廁紙= ="

2卷廁紙都嬴唔到@@?好彩都唔駛輸@@

食野...老師拎完...到女仔...最後到男仔...

拎牛肉果陣...以為果D汁係芝士汁...點知係芥辣汁><

食物既種類唔多...又不見得好食= ="

食食下何太走左過黎...康玲偷笑= ="

食得好少野...大部份唔岩食...

中途...MAN唱歌@@

最後想不斷咁食甜品...唔夠時間+唔好食=0="

抽獎...奇蹟地連我呢個冇中獎運既人都中@@ 1GB手指@@

最搞笑係最後一份獎品...C王抽到自己= =" 2人一次免費自助餐??

影相...11點左右走...等人...跟康玲,嬋,C王,C牙金毛,LING,方包走...

走時先知道康玲帶左COM= =

拎左C牙部NDS玩...完全唔識玩@@"

搭地鐵...C牙跟LING跟方包唱通宵K...

淨低果班去明記食糖水...傾計...

見到蟑螂...手都比人扭斷= ="

12：40左右走人...由5個變3個...

返屋企...洗面...換衫...冇沖涼就訓左...

訓左5~6個鐘左右...訓唔著= ="

起身打機...

比媽子話...請3日假就不斷話我唔岩= ="

喂!!上個月我請左一日假咋??想點呀?休息幾日都唔得?

我唔係鐵人呀!!!加上我係有事先請假\"/

打機都冇心情= =

晏就開始約人去睇煙花...

玩野...唔係唔通就冇人聽= =

最後...肯定去既得我一個= ="

之後...之之決定去...康玲都可以join...

自己食完飯之後都趕過去...

去到金鐘...周圍都放煙花@@

好怕d煙花燒唔哂會跌落黎@@

去到目的地...得2對情侶同2個基佬--之之,康玲= ="

今次煙花都幾好睇@@

有好多符號...仲有@@添= ="

坐到腳痺= =

區永同大雞join...之同玲去揀衫...賢再join...

康玲有事走...其他去打機...康玲放飛機@@?

自己都早走...沖涼...早訓...

之前同左老細講...希望今日出糧...

但佢冇返= ="又唔好意思同毛生講出糧= ="

唉=0="冇錢啦...

想等埋廚房既師傅一齊走...算啦@@

自己一個走左@@"

同濠,神輝,之,雞,彤,玲等買衫買褲...

得濠一個買!!?自己拎衫@@

到隧道鋤dee...幾場輸左百幾= ="

輸賠得多...嬴拎得少...咩玩法黎嫁= ="

趕返工...

肥仔放假...

oh no= ="

悶得很...

時間還算過得快...

照常返工...蘭姐放假@@yaya...

工作效率大增@@

不錯的一天...

聽日有街去@@?

朝早...約了一眾男士到北角唱k...

因為遲睡的關係...遲到了...><

多得他們體諒...

6個人(肥彤,明威,之之,大雞,康玲,我)...開房只開到4：30??

康玲,明威先後早走...

唱完後打機去了...

看了他們玩了兩場鬥地主後...

自己要趕去考試...

5：15走...搭MTR...5：35到上環...

行左半個鐘先到= ="以為會遲到添...途中買左支水...$4...咁貴嫁=口="

到左間學校...等唔夠5min就入得...

點名...發現自己應該係中後既位置考...點知...係最尾果批尾2果組= ="

最尾3組得9個人...每組3個人考...3組都2男一女...

全班最令果位竟然係我地組@@(我認為佢令姐=3=)

因為3位原固...時間減左唔少= ="自己係討論到講左2句半...太差了...

係一分鐘到表現唔錯...得返4~5秒淨...評審員都話：『Nice!』

差唔多8點先考完...

行左30min先返到地鐵站...返到去9點多...

累累累...

返工....累...

肥仔做野好似冇咩精神咁既??

聽日放假...考最後一科既英文oral...

希望會有好成績啦...

20070625

忍唔住蘭姐既無理取鬧= ="

琴日得3個人做野...詩詩第3日病左休息...

3個人...一個唔係好識寫單既阿姐送外賣...

淨返蘭姐同我負責樓面...

12張[木台]...50人...全部都係我睇哂...

寫單...落單...執野...抹[木台]...遞食物...包外賣...送外賣(少量)等等...都係我做哂...

都唔緊要啦!!睇住d客緊係冇時間理第2d野啦...咁多野做...

你計完數睇完電視望到個"莊"碗既桶滿左...竟然同我發皮氣??!

『見到個桶滿左你唔拎去廚房?你今日咩事?做野咁慢既?』

痴鬼佢個線呀?冇停過手咁話我??自己就計數計數計數....睇電視...洗布...同水吧吹水\"/

自己見到個桶滿左又唔拎...又叫我地唔好整污糟d抹[木台]布= ="

玩野呀?你教我點抹[木台]塊布先唔污糟= ="

上次黎做野既阿耀做左4個幾月忍唔住你先走...

今次肥仔做唔夠一個月又係忍唔住你又要走啦= =

睇下你幾鬼難忍= =好快到我走= ="

做野又唔係做得咁好...12號[木台]可以寫3號[木台]...

又要用錯筆寫餐牌(大姐呀!!油性嫁?識字無?下次你幫我擦...)...揀野黎做...仲要要求老細親自送外賣= =

個新阿姐...岩岩黎咩都唔識...又唔教人...又係人地背後話人地傻傻地\"/

新黎唔識好正常喎...我岩岩黎都唔識啦...你只係比我地做多幾個月野姐!!?

你唔教咁我教lo...教緊果時又見到你偷笑= =好似見唔起人地咁...

你緊係唔想教人嫁...如果佢唔識...做野果個只會係我之嘛...唔係你!!?係咪??

睇下我地點落單就會識...你玩呀??落單幾秒鐘時間...就要學識我地寫咩人地食咩?

你有本事過目不忘...但人地冇呢?

包外賣都可以拎錯袋包...3盒飯點用細袋包= =?

成日仲要點錯路...

『利嘉係天悅果邊...日本城對面...』...不如你講係裕記隔離啦= ="講到鬼咁遠...難怪新阿姐行錯...

『你送完俊峰之後去明A...』...又係玩野= ="兩條路都唔同...點一齊去= ="

好鬼憎佢\"/

多謝阿賴無意探監...

累...

勁舞勁舞勁舞...

玩完勁舞...沒有煩惱?

心情不錯...

差人一支波板糖添-口-"

返工...

又黎左一個新阿姐...

咩都唔識-口-"同我以前一樣...

超多外賣...樓面自己一個搞掂哂= ="

累...

差唔多10點先食dinner...仲要一邊食一邊做= ="

一餐飯食左差唔多9個字= ="

多謝廚房整左個B+C餐比我...

肥仔食A+B@@?

10點後先有得比我送外賣...><

第一個外賣收到$1蚊...

第二個外賣收到$2蚊...

第三個外賣收到.....................$2蚊= ="(點解唔係3蚊嫁-口-")

熱熱熱熱熱...十級熱= ="

見到阿耀拖住個女仔啵@@

[足否]廁所[足否]左個半鐘...睇書@@

3：30多D先訓@@

累累累...

星期5同完成班男既行完街...

返工時唔舒服= ="

冇咩心情...詩詩又係唔舒服...

搞到做野極慢...

送外賣想去個廁所...咁岩又洗緊= ="

個人望住我企左係到成30秒都唔開比我去= =

12：50執好哂野...同蘭姐講左一聲"走啦"就走左= ="

可能佢見我冇咩精神都唔阻我啦...

心情唔多好...見到既野都唔係太好...

有情侶嗌交...有人對住電話狂爆粗...有朋友反面絕交...

返屋企食雪糕-v-

星期6...9點左右...細佬傾電話極大聲...

嘈鬼醒左...無明火爆發\"/

又大聲又傾得耐...

12：30先起身...

發左個好奇怪既夢= ="對手...淚水!!?

好多同學同時出現在夢中....

同之之玩勁舞...beat up@@"