今日同平時一樣番學 不過就過得好悶 可能無咩點同曲街麒班人講野 同一齊玩 只好小息個陣一個人做自閉仔咁做功課 之後放學 要留堂 因為做完功課 所以又無聊咁坐係度睇報紙 之後又太無聊 變左玩計數機 跟住就去左等王嘉鎮 點知佢好奈都唔出黎 所以走左 (要係到佢講聲sorry)

今日從個日起而經有三個星期...今日早上唔知發生咩事 中文堂 勁想訓 想留心嫁 但係聽聽下 又訓着 狂比張sir叫醒 

放小息個陣 曲街麒(好憎佢囉 順便同講 我要同佢絕交) 係度周圍同人講 話我番炒 我想係話比一d比佢影響既人講"好漢不吃回頭草" 我成認自己曾經鐘意佢 不過呢d都係過去 

之後上通識堂要考試 好難啊 今次實唔合格 都唔知點好 之後上宗教堂個陣 一開始就話要分享怒海工作紙 跟住到佢分享 唔知點解比分個陣d人係咁望住我 唔知係唔係想知我比幾分 (我比左9分) 之後睇電影 好似係"受難曲" 睇到釘十字架 個陣真係好頂唔順 睇到耶穌 咁辛苦 我都有d眼濕

放左學之後 要留堂 d人好撚狗 走左 得番我同李卓文,奧巴馬,漢文哥 點知原來佢都要留 (佢好傻囉 自爆比老師知) 不過可以係宗教室 一齊做功課 之後仲聽歌 點知李老師 無啦啦黎搵我地 驚到即刻熄左部cd機 但係都係比miss 知道左

今日早上收功課個陣 張sir又話有人睇堂之後上個陣 可能係早上未訓醒同埋張sir講書可能令人訓着既功力 令到我差d訓左 唯有頂硬上

之後張sir比勁多頁功課我地 原先諗住唔做 但係番屋企可以快d打機   我用左一個小息   黎做晒d功課   之後數學堂個陣   我以為唔上  (因為李老師病左無番)  點知有兩位miss代堂 搞到又要上 我發現呢兩位miss教得超好勁清晰 放左學要考中文(勁多唔識 好驚唔合格 會比人閙) 考完之後 江仔叫我地一班功課大使同一d同學要留低做功課 (我都做完o洛)留到5點半 跟住江仔又話幫我地溫習 搞到要35分先放人

今日一日都無做d咩 除左打機都無做咩 (做左一日電車男) 之後中午個陣同麒,鎮,邱褲文去左陽光打機 我係度打死屍(打得勁爽)  之後去左練習 因為就黎考試

之後番到屋企又無人 無奈到又要煮

跟住睇星戰前轉 又過左無聊一日

今日我早上係屋企打左半日機 (好悶囉) 

之後中午個陣 王嘉鎮黎我屋企試整家政考試個碟"送" 發覺原來都幾好味

之後老馮 黎左我屋企 話要我幫佢打專題報告 我用左一個鐘 打左一份報告同ppt 之後 去左跆拳 練習 因為6月要考試 要努力練習