之前的水運,
多數都參加25m自由式, 25m蛙, 50m背,
用背泳黎賺班接的入場卷,
班接時又用番自由式,
希望可以屈下機,
不過,
今年係我在 scc 既最後一次水運會,
決定狂一次,
一口氣游了 50m自, 50m蛙, 50m背.

連續游三場,
游完50m背上水時已經一扑一碌,
幾乎動彈不得,
真係要認老喇.
( C Yui 認左老, 我唔認唔得,
年齡上的問題, 我唯她馬首是瞻!!)

多謝小天使送的寶礦力.

游班接, 第四棒, 原始獸性爆發,
C Yui (第三棒) 游到一半,
我已經用右腳大力狂踩跳水台階, 嘭嘭有聲,
落到水亡命狂游,
游得仲快過個人賽,
只換了四次氣.
同班同學一齊作戰,
無論何時都是活力充沛的.

很欣賞 Benny 的傾力演出!!

成績如何?
金銀銅剛剛集齊一套, 算是不錯啦.
也不要讚我文武雙全, 會使我汗顏的,
我只是咩都鍾意接觸一下而已,
游水算是接觸得深入少少的一項.

班際全場總冠軍, 再次落在我班手中,
陸運是我們, 水運也是我們,
陸運是衛冕,
今次水運,
甲組男女子全場總冠軍是我班的人,
平均每人攞到7分, 即係一個銅牌.
不過我地要繼續加油啊,
"勝人者力, 自勝者強!"