嘻~如常的番左教會~
死仔包！陳皮呢個死仔包本來琴晚話今日會番教會架﹐
結果放我飛機！激氣呀！>3<
番學唔好比我見到佢，如果唔係...嘻嘻xdd
(岩岩道佢比爸爸媽媽軟禁..=.=)
阿寶同肥仔又唔番...
唉~唔番算佢地走寶~
卓老師帶唱詩~
唱得勁投入~好鬼好笑~~哈哈
一路唱一路笑死我！xddd
卓老師仲要專揀普通話既詩歌~~嘻
哂普通話勁呢！！嘻嘻~
我今日遲到左呀...因為唔記得帶銀包，
落到樓下先知道，又要上番去拎..=.=
跟住又要自己一個番...氣人呢！>_<
一番到去倩儀姐就話我有個朋友到左，仲以為係陳皮添，
倩儀姐話係左手邊第三行，我望黎望去都見到我熟既朋友，
結果求其坐左..=.=
後尾宣讀新朋友時，先知原來倩儀姐講係指王健俠，
嘻....我又未見過佢，鬼知佢坐邊咩~~
後尾我地各自去查經~
撒該既故事~講罪呀~~
信主後原來對罪真係好敏感~
點解人要犯罪呢？？？？？？？
唉~自己都係罪人一個，願主指引我去脫離罪，令我識得去知罪悔改~
完左教會同卓老師等人食飯，
THEN同阿俠去左西九行下，我諗住買野送比阿肥，
點知....野買唔到，但自己買左兩個好得意既精品比自己~~=p
嘻~
比大家睇下：
可樂味珍寶珠~~估下係咩黎既？
答案係......
一枝筆呢！！！！xdd~yummy~
第二樣：
香蕉人出動！！！！！
嘻~內有乾坤~~~
可以mit開架~~~(香蕉人：比你睇到我既真樣添~怕醜架~~~>3<)
係咪好得意呢~~
好中意佢地呀~~>3<
之後我自己去左旺角繼續完成我既任務..買野比阿肥~
旺角比較熟d~我知邊度有騎呢得意野買~^^
去左旺中喔！
揀左好耐(因為要顧及實用、美觀同價錢...><窮呀~無計)
最終揀左個香蕉人既手枕~
我見到一個餅餅鏡子呢！
好想買呀~
不過又要用錢...算~下次實買起你！！！
跟住去埋書店買左個好d既粉筆套比肥仔~
禮物就此完成！^^
then去左Krispy Kreme 買doughnuts~
之前食過咩味呢？
第一次食係New York Cheesecake~(麻麻地)
第二次係....唔記得個名..下次話大家知
第三次﹐即係今日買~
係Chocolate iced custard filled~
超好味呀~>3<
我決定每個禮拜日都食一次~~~
$12一個...都幾貴下..
不過我要食哂佢d doughnuts呀~~~>3<
之後就番屋企啦~
好完滿喔！^^
|
