呢兩日..我有個朋友無啦啦比人sd短訊黎鬧....
講得好似好激咁架..
話我個朋友係"死八婆"同"狐狸精"...
個短訊係係上緊堂時收到的...
我個朋友真係呆左..
無啦啦唔知發生咩事而比人鬧...
之後對方仲打比我朋友，
不過因為上緊堂..所以無聽到..
個個人係咁講粗口....=.=
好乞人憎...
我個朋友係咁問佢係邊個..佢又唔講..
但佢又真係識我朋友喎(佢講得出我朋友既名)
真係好可怕呢！
我朋友都唔知自己做過d乜黎比人咁憎發...
總之就無辜啦~
到而家都仲未知係邊個呀....
跟住我個朋友就係咁搵人幫手..嘻
有好多人幫佢玩電話呢！
我唔夠膽玩呀...
廢事無啦啦比人鬧.....><
不過我d同學好鬼搞笑，
扮外國人打電話去講：
Hello, what is your name?How are you?
跟住對方講左幾句粗口後就cut左線...
跟住又諗住打電話去唱歌...哈哈..
成班傻仔！！！
我個朋友將件事話左比佢前度男友聽，
佢既男友即刻請昌搞掂件事....
(詳情係點就唔知啦...好似好可怕咁...有d替個個女仔擔心...)
唉......咩事會令個個女仔發咁大脾氣呢？
話我個朋友係狐狸精..睇怕係為情吧！
佢應該比男朋友拋棄左...
其實雖然佢咁可怕，但諗深一層..
鬧人個個其實係最可憐的..
佢都係因為受到好大既傷害先搵人發泄姐...
所以...如果我係我個朋友，
又唔會真係搵人玩番佢轉頭，一笑置之囉，
反正佢言語上再傷害我，我都唔會有d咩傷害既，
反而真正傷害既，只係佢既心而已！
我係度諗...如果比人無啦啦咁鬧既係我，
會唔會有咁多人幫我呢？
定還是，因為我係大家既眼中，
都係比較堅強，所以無人會咁樂力去幫我呢？
從來最多人愛錫既，都係d軟弱既女孩子，
唉....或許我永遠唔能夠得著呢個福氣...
很想很想係大家面前軟弱一次，
很想大家當我係女孩子一次，
因為.....我都想有人錫呀！
|
